Tata EV: எலக்ட்ரிக் கார் வாங்க நினைப்பவர்களுக்கு டாடா மோட்டார்ஸ் புதிய மாற்றத்தை கொண்டு வந்துள்ளது. இதனால் ஆரம்பத்தில் செலுத்த வேண்டிய கார் விலை பல லட்சம் ரூபாய் வரை குறைகிறது.
எலக்ட்ரிக் கார் வாங்க வேண்டும் என்ற ஆசை இருந்தாலும், ஆரம்ப விலை அதிகமாக இருப்பது பலருக்கும் தடையாக உள்ளது. இந்த நிலையில் டாடா மோட்டார்ஸ் தனது அனைத்து எலக்ட்ரிக் கார் வரிசைக்கும் பேட்டரி சேவை திட்டத்தை விரிவுபடுத்தியுள்ளது. முன்பு டியாகோ இவி மற்றும் பஞ்ச் இவி ஆகிய கார்களில் மட்டும் இந்த வசதி இருந்த நிலையில், தற்போது நெக்ஸான் இவி, கர்வ் இவி, சியாரா இவி மற்றும் ஹாரியர் இவி ஆகிய கார்களுக்கும் கிடைக்கிறது. இந்த முறையில் காரின் விலையும் பேட்டரியின் விலையும் தனித்தனியாக கணக்கிடப்படுகிறது. இதனால் வாடிக்கையாளர் ஆரம்பத்தில் செலுத்த வேண்டிய தொகை குறைகிறது. இந்த திட்டத்தின் கீழ் டியாகோ இவி-யின் கார் விலை ரூ.4.69 லட்சத்தில் தொடங்குகிறது.
25
முன்பணம் மற்றும் பிற விவரங்கள்
புதிய முறையில் கார் மற்றும் பேட்டரிக்கு தனித்தனி கடன் கணக்குகள் அமைக்கப்பட்டுள்ளன. பேட்டரிக்கான மாத தவணை அதன் திறன், முன்பணம் மற்றும் கடன் காலத்தைப் பொறுத்து மாறும். இதனால் ரூ.4.69 லட்சம் ஆரம்ப விலையை பார்த்தவுடன், அதுவே காரின் முழு செலவு என்று நினைக்கக்கூடாது. பேட்டரிக்கான தனி கட்டணமும் இருக்கும். மேலும் இந்த திட்டத்தில் வாகனம் சார்ந்த எலக்ட்ரிக்த்தை நிரப்பும் செலவு, பராமரிப்பு மற்றும் பழுதுபார்ப்பு செலவுகள் சேராது. எனவே வாங்குவதற்கு முன் கார் விலை, பேட்டரி தவணை மற்றும் பிற செலவுகளை சேர்த்து மொத்த செலவை கணக்கிடுவது அவசியம்.
35
டாடா இவி மாடல்கள்
டாடா இவி மாடல்களின் புதிய ஆரம்ப விலையைப் பார்த்தால், டியாகோ இவி ரூ.4.69 லட்சம், பஞ்ச் இவி ரூ.6.59 லட்சம், நெக்ஸான் இவி ரூ.8.99 லட்சம், கர்வ் இவி ரூ.10.99 லட்சம், சியாரா இவி ரூ.11.99 லட்சம் மற்றும் ஹாரியர் இவி ரூ.14.49 லட்சம் என நிர்ணயிக்கப்பட்டுள்ளது. இவை நுழைவு நிலை மாடல்களுக்கான விலைகள். வழக்கமான விலையுடன் ஒப்பிடும்போது, ஹாரியர் இவி-யில் ஆரம்ப செலவு ரூ.7.30 லட்சம் வரை குறைகிறது. ஆனால் இது முழுமையான தள்ளுபடி அல்ல. பேட்டரியின் செலவு தனியாக செலுத்தப்படுவதால், வாடிக்கையாளர்கள் இதை கார் விலைக்கான குறைப்பு மட்டும் பார்க்காமல், செலவு பிரிக்கப்பட்டுள்ள முறை புரிந்துகொள்ள வேண்டும்.
பேட்டரி பயன்பாட்டுக்கான தூர அடிப்படையிலான கட்டணமும் உள்ளது. டியாகோ இவி மற்றும் பஞ்ச் இவிக்கு ஒரு கிலோமீட்டருக்கு ரூ.2.60, நெக்ஸான் இவிக்கு ரூ.4.40, கர்வ் இவிக்கு ரூ.5, சியாரா இவிக்கு ரூ.5.50, ஹாரியர் இவிக்கு ரூ.5.90 என கட்டணம் குறிப்பிடப்பட்டுள்ளது. இந்த கணக்கீடுகள் குறிப்பிட்ட தினசரி பயன்பாட்டிற்கான கொண்டவை. டியாகோ இவிக்கு தினசரி 44 கிலோமீட்டரும், மற்ற மாடல்களுக்கு பொதுவாக 60 கிலோமீட்டரும் கணக்கில் கொள்ளப்பட்டுள்ளது. எனவே தினமும் அதிக தூரம் பயணம் செய்பவர்களுக்கு மொத்த மாத செலவு அதிகரிக்கலாம்.
55
டாடா இவி வாங்குபவர்கள்
இதனால் டாடா இவி வாங்க திட்டமிடுபவர்கள் குறைந்த ஆரம்ப விலையை மட்டும் பார்த்து முடிவு செய்யாமல், தங்களுடைய தினசரி பயண தூரத்தையும் கணக்கிட வேண்டும். குறைந்த முன்பணம் மற்றும் ஆரம்ப செலவு தேவைப்படுபவர்களுக்கு இந்த திட்டம் ஒரு மாற்று வாய்ப்பை வழங்குகிறது. அதே நேரத்தில், நீண்ட காலத்திற்கு காரை பயன்படுத்தும்போது பேட்டரி தவணை, தூர அடிப்படையிலான கட்டணம், எலக்ட்ரிக் செலவு, பராமரிப்பு மற்றும் காப்பீடு உள்ளிட்ட அனைத்தையும் சேர்த்து மொத்த செலவை ஒப்பிடுவது முக்கியம். டாடா மோட்டார்ஸ்-ன் அதிகாரப்பூர்வ தகவலின்படி, BaaS என்பது தனித்தனி கடன் வசதியுடன் கூடிய நிதி முறை என்பதால், நிதி நிறுவனத்தின் ஒப்புதல் மற்றும் விதிமுறைகளும் பொருந்தும்.
