தீபாவளி அதிரடி ஆஃபர்: 1 கி.மீ ஓட்ட வெறும் ரூ.2.60 தானா? பட்ஜெட்டுக்குள் 5 புது எலெக்ட்ரிக் கார்கள்!

தீபாவளி பண்டிகையை முன்னிட்டு, பேட்டரியை காரிலிருந்து தனியாகப் பிரித்து வழங்கும் ‘பேட்டரி-ஆஸ்-எ-சர்வீஸ்’ (BaaS) முறையின் கீழ் 5 முன்னணி மின்சார கார்களுக்கு ரூ.2.30 லட்சம் முதல் ரூ.7.04 லட்சம் வரை ஆரம்ப விலையில் அதிரடி தள்ளுபடி அறிவிக்கப்பட்டுள்ளது.

பேட்டரி வாடகை முறையில் 5 எலெக்ட்ரிக் கார்கள்!

தீபாவளிப் பண்டிகையை முன்னிட்டு, ‘பேட்டரி-ஆஸ்-எ-சர்வீஸ்’ (Battery-as-a-Service - BaaS) எனப்படும் பேட்டரி வாடகை திட்டத்தின் மூலம் 5 முன்னணி மின்சாரக் கார்கள் (EV) மிகக் குறைந்த ஆரம்ப விலையில் விற்பனைக்கு வந்துள்ளன. இத்திட்டத்தின் மூலம் காரின் ஆரம்ப விலையில் ரூ.2.30 லட்சம் முதல் அதிகபட்சமாக ரூ.7.04 லட்சம் வரை சேமிக்க முடியும். அதே வேளையில், பயனாளர்கள் காரை ஓட்டும் ஒவ்வொரு கிலோமீட்டருக்கும் தனியாக பேட்டரி வாடகையைச் செலுத்த வேண்டும்.

என்ன இந்த 'பேட்டரி-ஆஸ்-எ-சர்வீஸ்' திட்டம்?

காரின் மொத்த விலையிலிருந்து அதன் பேட்டரியின் விலையைத் தனியாகப் பிரித்து விற்பனை செய்வதே 'BaaS' திட்டமாகும். இதன் மூலம் கார் வாங்கும் போது செலுத்த வேண்டிய முன்பணம் பெருமளவு குறைகிறது. இந்த பண்டிகைக் காலத்தில் 5 முக்கிய எலெக்ட்ரிக் கார்களுக்கு இந்தச் சலுகை அறிமுகப்படுத்தப்பட்டுள்ளது.

குறைந்த ஆரம்ப விலை என்பது பேட்டரி முற்றிலும் இலவசம் என்று அர்த்தமல்ல. டாடா மாடல்களுக்கு 1 கி.மீ-க்கு ரூ.2.60 முதலும், மாருதி இ விட்டாராவுக்கு ரூ.3.99 வரையிலும் பேட்டரி வாடகை உண்டு. எனவே, நீங்க மாதந்தோறும் காரை எவ்வளவு தூரம் இயக்குகிறீர்கள் என்பதைப் பொறுத்தே இதன் உண்மையான பராமரிப்புச் செலவு அமையும்.

ஹூண்டாய் கிரெட்டா எலெக்ட்ரிக் (Hyundai Creta Electric)

இந்த லிஸ்டில் அதிகபட்ச விலை குறைப்பைப் பெற்றுள்ள கார் இதுவே. பேட்டரியுடன் கூடிய இதன் முழு விலை ரூ.18.03 லட்சம். ஆனால், BaaS திட்டத்தின் கீழ் இதன் ஆரம்ப விலை வெறும் ரூ.10.99 லட்சமாக நிர்ணயிக்கப்பட்டுள்ளது. இதனால் வாங்குபவர்களுக்கு ஆரம்ப விலையில் நேரடியாக ரூ.7.04 லட்சம் வரை மிச்சமாகிறது.

மாருதி சுஸுகி இ விட்டாரா (Maruti Suzuki e Vitara)

மாருதி சுஸுகியின் முதல் எலெக்ட்ரிக் எஸ்.யு.வி காரான 'இ விட்டாரா'-வின் டெல்டா 49kWh மாடல், BaaS திட்டத்தில் ரூ.10.99 லட்சம் ஆரம்ப விலையில் களமிறங்குகிறது. இதன் பேட்டரி வாடகை ஒரு கிலோமீட்டருக்கு ரூ.3.99 ஆகும். சிறிய பேட்டரி கொண்ட இந்த வேரியண்ட் முழு சார்ஜில் 400 கி.மீ வரை மைலேஜ் தரும் எனத் தெரிவிக்கப்பட்டுள்ளது.

டாடா டியாகோ இவி (Tata Tiago EV)

டாடா டியாகோ இவி இத்திட்டத்தின் மூலம் மிகக் குறைந்த பட்ஜெட்டில் கிடைக்கிறது. இதன் BaaS தொடக்க விலை ரூ.4.69 லட்சமாக அறிவிக்கப்பட்டுள்ளது. ஒரு கிலோமீட்டருக்கு ரூ.2.60 பேட்டரி வாடகையாக நிர்ணயிக்கப்பட்டுள்ளதுடன், இது முழு சார்ஜில் 280 கி.மீ வரை இயங்கும்.

எம்ஜி காமெட் இவி (MG Comet EV)

நகரப் பயன்பாட்டிற்கு ஏற்ற இந்த சிறிய 4-சீட்டர் காரின் வழக்கமான முழு விலை ரூ.7.63 லட்சம். ஆனால், BaaS திட்டத்தின் கீழ் ரூ.4.99 லட்சத்திற்கே கிடைக்கிறது. இதற்கான பேட்டரி வாடகை ஒரு கிலோமீட்டருக்கு ரூ.3.20 ஆகும்.

டாடா பஞ்ச் இவி (Tata Punch EV)

டாடா பஞ்ச் இவி காரின் வழக்கமான முழு விலை ரூ.9.69 லட்சம். ஆனால், BaaS முறையில் இதன் ஆரம்ப விலை ரூ.6.49 லட்சமாக உள்ளது. இதன் மூலம் ஆரம்ப விலையில் ரூ.3.20 லட்சம் குறைகிறது. இதன் பேட்டரி வாடகை ஒரு கிலோமீட்டருக்கு சுமார் ரூ.2.60 ஆக வசூலிக்கப்படுகிறது.