Car Maintenance: கார் பராமரிப்பில் எந்த பாகத்தை எப்போது மாற்ற வேண்டும் என்பதை தெரிந்துகொண்டால் தேவையற்ற செலவுகளைத் தவிர்க்கலாம். இன்ஜின் ஆயில், ஏர் ஃபில்டர், பிரேக் பேட் உள்ளிட்ட முக்கிய பாகங்களின் ஆயுட்காலம் பற்றி அறிந்து கொள்ளுங்கள்.
பல கார் உரிமையாளர்கள் சர்வீஸ் மையத்துக்குச் செல்லும்போது, தொழில்நுட்ப ஆலோசனைகளை முழுமையாக நம்பி பல பாகங்களை மாற்றிவிடுகிறார்கள். ஆனால் ஒவ்வொரு உதிரிபாகத்திற்கும் ஒரு குறிப்பிட்ட ஆயுட்காலம் உள்ளது. அதை அறிந்துகொள்வது தேவையற்ற செலவுகளை குறைப்பதோடு, வாகனத்தின் தொகுப்பையும் பாதுகாக்க உதவுகிறது.
25
ஆயில் மற்றும் ஏர் ஃபில்டர்
ஒரு காரின் ஆரோக்கியத்தை நிர்ணயிக்கும் முக்கிய அம்சம் இன்ஜின் ஆயில்தான். இது இன்ஜினை குளிர்ச்சியாகவும் சீராகவும் இயங்கச் செய்கிறது. பொதுவாக மினரல் ஆயிலை 8,000 முதல் 10,000 கிலோமீட்டருக்கு ஒருமுறையும், சிந்தெடிக் ஆயிலை 10,000 முதல் 12,000 கிலோமீட்டருக்கு ஒருமுறையும் மாற்றுவது நல்லது. மேலும், ஏர் ஃபில்டர் சுத்தமான காற்றை இன்ஜினுக்கு வழங்குகிறது. அதிக தூசி நிறைந்த பகுதிகளில் பயன்படுத்தினால் அதை அடிக்கடி பரிசோதிக்க வேண்டும்.
35
டயர்கள் மற்றும் பிரேக்குகளின் முக்கியத்துவம்
வாகனத்தின் பாதுகாப்பு மற்றும் சீரான இயக்கத்தில் டயர்கள் முக்கிய பங்கு வகிக்கின்றன. அதனால் 8,000 முதல் 10,000 கிலோமீட்டருக்கு ஒருமுறை டயர் ரொட்டேஷன் செய்ய பரிந்துரைக்கப்படுகிறது. இதன் மூலம் டயர்கள் சமமாக தேய்ந்து நீண்ட ஆயுளைப் பெறும். பிரேக் பேட்களும் அவ்வப்போது பரிசோதிக்கப்பட வேண்டும். குறிப்பாக நகர போக்குவரத்தில் அதிகம் பயன்படுத்தப்படும் கார்களில் அவை வேகமாக தேயக்கூடும்.
கூலன்ட் மற்றும் ஸ்பார்க் பிளக்குகள் போன்ற பாகங்கள் உடனடியாக மாற்ற வேண்டியவை அல்ல. பொதுவாக 30,000 முதல் 40,000 கிலோமீட்டர் வரை அவை செயல்படும். எனவே அவற்றை தேவையில்லாமல் மாற்றுவது கூடுதல் செலவாக மாறலாம்.
55
கியர் ஆயிலை மறந்துவிடாதீர்கள்
கியர் ஆயில் அடிக்கடி மாற்றப்பட வேண்டிய திரவம் அல்ல. பெரும்பாலான கார்களில் இது 50,000 முதல் 60,000 கிலோமீட்டர் வரை நீடிக்கும். சரியான நேரத்தில் பராமரிப்பு செய்வதன் மூலம் கார் நீண்ட காலம் சீராக இயங்குவதுடன், உரிமையாளரின் பணமும் மிச்சமாகும்.
