Maruti Discount: பெரிய குடும்பங்களுக்கு ஏற்ற 7 சீட்டர் எம்பிவி கார் தேடுபவர்களுக்கு இன்விக்டோ ஒரு சிறந்த தேர்வாக இருக்கலாம். குறிப்பாக தற்போதைய தள்ளுபடி பலரது கவனத்தை ஈர்த்துள்ளது.
இந்திய கார் சந்தையில் குடும்பங்களுக்கான பிரிமியம் எம்பிவி மாடல்களில் முக்கிய இடத்தை பிடித்திருக்கும் மாருதி சுசுகி இன்விக்டோ தற்போது புதிய சலுகையால் கவனத்தை ஈர்த்துள்ளது. ஜூன் 2026 வரை வாடிக்கையாளர்கள் இந்த காரை வாங்கினால், ரூ.2.15 லட்சம் வரை பல்வேறு நன்மைகளைப் பெற முடியும் என தகவல்கள் தெரிவிக்கின்றன. இதனால் பிரீமியம் கார் வாங்க திட்டமிடுபவர்களுக்கு இது ஒரு முக்கிய வாய்ப்பாக பார்க்கப்படுகிறது.
25
இன்விக்டோவின் சிறப்புகள்
இன்விக்டோவை மற்ற எம்பிவி மாடல்களில் இருந்து தனித்து காட்டுவது அதன் பிரீமியம் தோற்றம். அகலமான முன்பக்க வடிவமைப்பு, குரோம் அலங்காரம் மற்றும் கம்பீரமான வெளிப்புற அமைப்பு இதற்கு தனித்துவத்தை வழங்குகின்றன. உட்புறத்தில் பெரிய சன்ரூஃப், காற்றோட்ட வசதி கொண்ட சீட்கள் மற்றும் பெரிய இன்ஃபோடெயின்மென்ட் திரை போன்ற அம்சங்கள் பயண அனுபவத்தை மேம்படுத்துகின்றன.
35
ஹைப்ரிட் தொழில்நுட்பத்தின் பலம்
இந்த எம்பிவி-யின் முக்கிய சிறப்பம்சம் அதன் ஹைப்ரிட் பவர்டிரெயின் அமைப்பாகும். பெட்ரோல் மற்றும் மின்சார சக்தியை இணைத்து செயல்படும் இந்த தொழில்நுட்பம் நகர போக்குவரத்தில் எரிபொருள் செலவை குறைக்க உதவுகிறது. ஆட்டோமேட்டிக் டிரான்ஸ்மிஷனுடன் வரும் இந்த மாடல், ஒரு லிட்டருக்கு 23 கிலோமீட்டருக்கும் அதிகமான மைலேஜை வழங்குவதாக நிறுவனம் தெரிவிக்கிறது.
பெரிய குடும்பங்களின் தேவையை கருத்தில் கொண்டு, பாதுகாப்பு அம்சங்களிலும் இன்விக்டோ கவனம் செலுத்துகிறது. ஆறு ஏர்பேக்குகள், 360 டிகிரி கேமரா மற்றும் பல நவீன பாதுகாப்பு வசதிகள் இதில் இடம்பெற்றுள்ளன. நீண்ட தூர பயணங்களிலும் நம்பிக்கையை வழங்கும் வகையில் இது உள்ளது.
55
விலை விவரங்கள்
மாருதி இன்விக்டோவின் எக்ஸ்-ஷோரூம் விலை சுமார் ரூ.25 லட்சத்தில் இருந்து ரூ.28.5 லட்சம் வரை செல்கிறது. இருப்பினும், தற்போதைய தள்ளுபடி தொகை நகரம், டீலர்ஷிப், வேரியண்ட் மற்றும் இருப்பு நிலையைப் பொறுத்து மாறக்கூடும். எனவே இறுதி முடிவுக்கு முன் அருகிலுள்ள டீலர்ஷிப்பில் உறுதி செய்துகொள்வது நல்லது.
