Nissan Gravite: நிஸான் கிராவிட் கார் இப்போது அரசு அங்கீகாரம் பெற்ற CNG கிட் உடன் கிடைக்கிறது. 7-சீட்டர் வசதி குறையாமல், செலவையும் குறைக்கும் வகையில், இந்த செக்மென்ட்டிலேயே முதல்முறையாக ட்வின்-சிலிண்டர் கார் வந்துள்ளது.
நிஸான் இந்தியா நிறுவனம் தனது 7-சீட்டர் எம்பிவி (MPV) ரக காரான நிஸான் கிராவிட்டி (Nissan Gravite) மாடலில் புதிய சிஎன்ஜி ஆப்ஷனை மே 4 அன்று அதிகாரப்பூர்வமாக அறிமுகப்படுத்தியுள்ளது. முதன்முறையாக இதில் இரண்டு சிறிய சிஎன்ஜி சிலிண்டர்கள் (தலா 25 லிட்டர்) பயன்படுத்தப்பட்டுள்ளன.இதன் ஆரம்ப விலை ரூ.82,999 இந்த செக்மென்ட்டிலேயே முதல்முறையாக ட்வின்-சிலிண்டர் டெக்னாலஜியை நிஸான் அறிமுகப்படுத்துவதாக கூறுகிறது.
27
குறைந்த இயக்கச் செலவு
இந்த புதிய சிஎன்ஜி சிஸ்டம், காரின் முழுமையான 7-சீட்டர் அமைப்பை எந்த வகையிலும் பாதிக்காது. அதே சமயம் ஒரு கிலோமீட்டருக்கு ஆகும் இயக்க செலவு கணிசமாக குறையும் என்று நிஸான் நிறுவனம் கூறியுள்ளது.
37
தொழில்நுட்ப அம்சங்கள்
இந்த சிஎன்ஜி கிட், BS6.2 விதிமுறைகளுக்கு ஏற்றது. இது ICAT அங்கீகாரம் பெற்ற சிஸ்டம். சிலிண்டரின் தடிமன் 8.1 மி.மீ. என்பதால், இது நீடித்து உழைக்கும். லேட்டஸ்ட் டைனமிக் அட்வான்ஸர் டெக்னாலஜியும் இதில் உள்ளது.
வாடிக்கையாளர்கள் நிஸானின் அங்கீகரிக்கப்பட்ட டீலர்கள் மூலமாகவே இந்த சிஎன்ஜி கிட்டை ஆர்டர் செய்து பொருத்திக்கொள்ளலாம். இந்த கிட் பாகங்களுக்கு, மூன்றாம் தரப்பு நிறுவனம் மூலம் மூன்று ஆண்டுகள் அல்லது 1,00,000 கிலோமீட்டர் வாரன்டியும் வழங்கப்படுகிறது.
57
சிறப்பு அம்சங்கள்
பெட்ரோல் மூடிக்குக் கீழேயே சிஎன்ஜி நிரப்பும் வசதி, கச்சிதமான ஃபேக்டரி-ஃபினிஷ், பயணிகளுக்கு வசதியான பின்சீட் அமைப்பு, பெட்ரோல்-சிஎன்ஜி இடையே சுலபமாக மாறும் வசதி என பல அம்சங்கள் இதில் இருக்கின்றன.
67
நிறுவனம் சொல்வது என்ன?
'மேக்னைட் சிஎன்ஜி-க்கு வாடிக்கையாளர்கள் கொடுத்த அமோக வரவேற்புக்குப் பிறகு, புதிய நிஸான் கிராவிட் காருக்காக இந்த செக்மென்ட்டின் முதல் ட்வின்-சிலிண்டர் சிஎன்ஜி கிட்டை அறிமுகப்படுத்துவதில் மகிழ்ச்சி அடைகிறோம்' என நிஸான் மோட்டார் இந்தியா நிர்வாக இயக்குநர் சௌரப் வத்ஸா தெரிவித்துள்ளார்.
77
குடும்ப பயன்பாட்டிற்கான 7 சீட்டர் எம்பிவி
'தினசரி குடும்பப் பயன்பாட்டிற்கு 7-சீட்டர் MPV-யின் வசதி தேவைப்படும் வாடிக்கையாளர்களுக்காகவே இதை வடிவமைத்துள்ளோம். இந்த புதிய சிஎன்ஜி கிட் மூலம், செலவு குறைவது மட்டுமல்லாமல், இடவசதியிலோ அல்லது தினசரி பயன்பாட்டிலோ எந்த குறையும் இருக்காது என அவர் கூறியுள்ளார்.
