1 லிட்டர் பெட்ரோலுக்கு எவ்வளவு மைலேஜ் தருகிறது நிசான் கிராவைட்.? இப்பவே வாங்கிடலாம் போலயே

நிசான் நிறுவனம் தனது புதிய 7 சீட்டர் MPV 'கிராவிட்'-ஐ இந்தியாவில் அறிமுகப்படுத்தியுள்ளது. ரெனால்ட் டிரைபர் தளத்தில் உருவாக்கப்பட்ட இந்த கார், 1 லிட்டர் பெட்ரோல் என்ஜினுடன், மேனுவல், AMT கியர்பாக்ஸ் தேர்வுகளில் கிடைக்கிறது.

ரூ.5.65 லட்சத்தில் 7 சீட்டர்

இந்தியாவில் தனது விற்பனையை விரிவுபடுத்த நிசான் நிறுவனம் புதிய 7 சீட்டர் MPV ‘Gravite’-ஐ அறிமுகப்படுத்தியுள்ளது. சப்-4 மீட்டர் பிரிவில் இடம்பிடிக்கும் இந்த மாடல், குடும்ப தேவைகளை கருத்தில் கொண்டு நிறுவனம் தெரிவித்துள்ளது. முன்பதிவுகள் தற்போது தொடங்கியுள்ளன.

நிசான் கிராவைட் விலை

Renault Triber தளத்தை அடிப்படையாக கொண்டாலும், Gravite வெளிப்புற தோற்றம் மற்றும் உள்புற அமைப்பில் தனி அடையாளம் பெற்றுள்ளது. Visia, Acenta, N-Connecta, Tekna என நான்கு வேரியண்ட்களில் கிடைக்கிறது. எக்ஸ்-ஷோரூம் விலை ரூ.5.65 லட்சம் முதல் ரூ.8.93 லட்சம் வரை நிர்ணயிக்கப்பட்டுள்ளது.

அசத்தும் அம்சங்கள்

இந்த MPV-யில் 1 லிட்டர், 3 சிலிண்டர் பெட்ரோல் என்ஜின் வழங்கப்பட்டுள்ளது. இது 72 PS சக்தி மற்றும் 96 Nm டார்க் வழங்குகிறது. 5-ஸ்பீட் மேனுவல் மற்றும் AMT ஆப்ஷன்களில் கிடைக்கிறது. மைலேஜ் விவரப்படி மேனுவல் மாடலில் 19.3 கிமீ/லிட்டர், ஏஎம்டி மாடலில் 19.6 கிமீ/லிட்டர் வரை தருகிறது.

6 ஏர்பேக்

அம்சங்களாக 8-இஞ்ச் டச் ஸ்கிரீன் இன்ஃபோடெயின்மெண்ட், வயர்லெஸ் Apple CarPlay, Android Auto, 7-இஞ்ச் டிஜிட்டல் டிரைவர் டிஸ்ப்ளே, க்ரூஸ் கன்ட்ரோல் போன்றவை வசதிகள் உள்ளன. பாதுகாப்பு அம்சங்களில் 6 ஏர்பேக், ESC, ABS உடன் EBD, TPMS உள்ளிட்டவை ஸ்டாண்டர்டாக வழங்கப்பட்டுள்ளன.

7 சீட்டர் கார்

மார்ச் 2026 முதல் டெலிவரி தொடங்கும் என எதிர்பார்க்கப்படுகிறது. குறைந்த விலையில் 7 சீட்டர் விருப்பத்தை நாடும் குடும்பங்களுக்கு Gravite ஒரு புதிய மாற்று வாய்ப்பாக பார்க்கப்படுகிறது.