Budget Family Car: விலை ரூ.5 லட்சம் + மைலேஜ் 34 கிமீ.. பல வருஷமா மிடில் கிளாஸின் ஃபேவரைட் இந்த கார் தான்!

Budget Family Car: கார் வாங்கும்போது பெரும்பாலான குடும்பங்கள் முதலில் பார்க்கும் விஷயங்கள் மூன்றுதான். குறைந்த விலை, அதிக மைலேஜ், குறைவான பராமரிப்பு செலவு. இந்த 3 அம்சங்களையும் ஒரே காரில் வழங்கி வரும் மாடல்களில் முக்கியமானது மாருதி சுஸுகி வேகன் ஆர்.

இந்திய குடும்பங்களின் ஃபேவரைட் கார்

மாருதி சுஸுகி வேகன் ஆர் விற்பனை மீண்டும் எல்லாரையும் திரும்பி பார்க்க வச்சிருக்கு. 2024 ஜூன் மாசத்துல மட்டும் 16,952 யூனிட்கள் விற்பனையாகி இருக்கு. இது போன வருஷம் இதே மாசத்தை விட 31% அதிகம். இப்போ எஸ்யூவி கார்கள் தான் டிரெண்ட்ல இருந்தாலும், ஹேட்ச்பேக் செக்மென்ட்ல வேகன் ஆர் தனக்கான இடத்தை கெட்டியா பிடிச்சிருக்கு. இந்த விற்பனை மூலமா, அந்த மாசத்துல அதிகம் விற்பனையான கார்கள் பட்டியல்ல நாலாவது இடத்தையும் பிடிச்சிருக்கு.

மக்கள் மத்தியில் குறையாத வரவேற்பு

1999-ல் இந்திய மார்க்கெட்டுக்கு வந்த வேகன் ஆர், காலத்துக்கு ஏத்த மாதிரி பல மாற்றங்களோட வந்துட்டே இருக்கு. ஒவ்வொரு புது வெர்ஷன்லயும் டிசைன், பாதுகாப்பு, வசதிகள், பெர்ஃபாமன்ஸ்னு எல்லாத்தையும் அப்டேட் பண்ணி, வாடிக்கையாளர் தேவைக்கு ஏத்த மாதிரி மேம்படுத்தியிருக்காங்க. சிட்டிக்குள்ள தினமும் ஓட்டுறதுக்கு வசதியான சைஸ், உள்ளே நல்ல இடவசதி, சூப்பரான டிரைவிங் அனுபவம், அதிக மைலேஜ் காரணமா, குடும்பங்கள் மத்தியிலயும், வேலைக்கு போறவங்க மத்தியிலயும் இந்த காருக்கு நல்ல வரவேற்பு இருக்கு.

விலை மற்றும் இன்ஜின் ஆப்ஷன்கள்

வேகன் ஆர் காரோட ஆரம்ப எக்ஸ்-ஷோரூம் விலை ரூ.4.99 லட்சம். இதோட டாப் வேரியன்ட் விலை ரூ.6.95 லட்சம் வரைக்கும் போகுது. LXi, VXi, ZXi, ZXi+ அப்படின்னு நாலு வேரியன்ட்கள்ல இந்த கார் கிடைக்குது. இதுல 1.0 லிட்டர் பெட்ரோல் இன்ஜின் 67 PS பவரையும், 89 Nm டார்க்கையும் கொடுக்குது. அதே சமயம், 1.2 லிட்டர் பெட்ரோல் இன்ஜின் 90 PS பவரையும், 113 Nm டார்க்கையும் கொடுக்குது. இந்த ரெண்டு இன்ஜின்களுக்குமே 5-ஸ்பீடு மேனுவல் கியர்பாக்ஸ் இருக்கு. சில குறிப்பிட்ட வேரியன்ட்கள்ல AMT ஆட்டோமேட்டிக் டிரான்ஸ்மிஷனும் ஆப்ஷனா இருக்கு. குறைஞ்ச செலவுல பயணிக்க விரும்புறவங்களுக்காக CNG வேரியன்ட்டும் விற்பனைல இருக்கு.

மைலேஜ் எவ்வளவு தருது?

மைலேஜ் விஷயத்துலயும் வேகன் ஆர் ஒரு நல்ல பேரை சம்பாதிச்சிருக்கு. 1 லிட்டர் பெட்ரோல் மேனுவல் வேரியன்ட் ஒரு லிட்டருக்கு 24.35 கிலோமீட்டர் மைலேஜ் தருது. அதே AMT வேரியன்ட் 25.19 கிலோமீட்டர் வரைக்கும் மைலேஜ் கொடுக்குது. 1.2 லிட்டர் பெட்ரோல் மேனுவல் வேரியன்ட் 23.56 கிலோமீட்டரும், AMT வேரியன்ட் 24.43 கிலோமீட்டரும் மைலேஜ் தருது.

சிஎன்ஜி மைலேஜ்

இதுவே சிஎன்ஜி வேரியன்ட்னா, ஒரு கிலோ கேஸ்ல 33.47 கிலோமீட்டர் வரைக்கும் போகும்னு கம்பெனி சொல்லுது. குறைஞ்ச விலை, குறைவான பராமரிப்பு செலவு, அதிக மைலேஜ், நம்பகத்தன்மை போன்ற காரணங்களால, பட்ஜெட்ல ஒரு நல்ல கார் வாங்கணும்னு நினைக்கிறவங்களுக்கு வேகன் ஆர் இன்னைக்கும் ஒரு சூப்பர் சாய்ஸா இருக்கு.