Mahindra : ஒரே சார்ஜில் 456 கி.மீ ரேஞ்ச் கொடுத்தும் வாங்க ஆளில்லை.. அதலபாதாளத்தில் மஹிந்திரா EV கார் விற்பனை!

Mahindra electric car : மஹிந்திரா எலக்ட்ரிக் காரின் விற்பனை கடுமையாக சரிந்துள்ளது. ஒருமுறை சார்ஜ் செய்தால் 456 கி.மீ வரை செல்லும் திறன் இருந்தும், இந்த காரை மக்கள் வாங்க தயங்குகிறார்கள்.

Mahindra XUV400 EV

மஹிந்திரா XUV400 எலக்ட்ரிக் கார், ஒருமுறை சார்ஜ் செய்தால் 456 கி.மீ வரை செல்லும் திறன் கொண்டது. சொகுசான இன்டீரியர், பல மாடர்ன் வசதிகள் என எல்லாம் இருந்தாலும், மார்க்கெட்டில் இதன் விற்பனை படுமோசமாக சரிந்துள்ளது. ஆகஸ்ட் 2026-ல் வெறும் 10 XUV400 கார்கள் மட்டுமே விற்பனையாகி உள்ளன. ஒரு வருடம் முன்பு, அதாவது ஆகஸ்ட் 2025-ல் 66 கார்கள் விற்ற நிலையில், இந்த முறை 56 கார்கள் குறைவாகவே விற்பனையாகி உள்ளன. வருடாந்திர அடிப்படையில் பார்த்தால், விற்பனையில் 84% சரிவு ஏற்பட்டுள்ளது. நிறுவனத்தின் மொத்த மார்க்கெட் ஷேரில் XUV400 காரின் பங்கு வெறும் 0.02% மட்டுமே.

விற்பனை திடீர் சரிவு

எலக்ட்ரிக் வாகன சந்தையில் மஹிந்திரா நிறுவனம் நல்ல முன்னேற்றத்தை காட்டி வருகிறது. குறிப்பாக BE 6, XEV 9S போன்ற புதிய மாடல்கள் வந்த பிறகு, நிறுவனத்தின் எலக்ட்ரிக் வாகன வரிசைக்கு கூடுதல் பலம் கிடைத்துள்ளது. டாடா மோட்டார்ஸுக்கு அடுத்தபடியாக, எம்ஜி மோட்டார்ஸை பின்னுக்குத் தள்ளி எலக்ட்ரிக் வாகன சந்தையில் இரண்டாவது பெரிய நிறுவனமாக மஹிந்திரா உருவெடுத்துள்ளது. ஆனால், இதே நிறுவனத்தின் என்ட்ரி லெவல் எலக்ட்ரிக் காரான XUV400-ன் விற்பனை மட்டும் தொடர்ந்து சரிந்து கொண்டே வருகிறது.

இத்தனை அம்சங்களா?

XUV400 கார் EC Pro மற்றும் EL Pro ஆகிய இரண்டு வேரியண்ட்களில் கிடைக்கிறது. புதிய டேஷ்போர்டு, டூயல்-டோன் இன்டீரியர், அப்டேட் செய்யப்பட்ட கிளைமேட் கண்ட்ரோல் பேனல் ஆகியவை இதில் உள்ளன. 10.25 இன்ச் இன்ஃபோடெயின்மென்ட் சிஸ்டம், 10.25 இன்ச் டிஜிட்டல் டிரைவர் டிஸ்ப்ளே ஆகியவை இதன் முக்கிய அம்சங்கள். பாதுகாப்புக்காக 6 ஏர்பேக்குகள், ரிவர்ஸ் கேமரா, டயர் பிரஷர் மானிட்டரிங் சிஸ்டம், எலக்ட்ரானிக் ஸ்டெபிலிட்டி ப்ரோக்ராம் ஆகியவையும் கொடுக்கப்பட்டுள்ளன.

டாடா நெக்ஸானுக்கு போட்டி

34.5 kWh பேட்டரி பேக் கொண்ட மாடல், ஒருமுறை சார்ஜ் செய்தால் 375 கி.மீ வரை ரேஞ்ச் கொடுக்கும். அதேபோல 39.4 kWh பேட்டரி பேக் கொண்ட மாடல் 456 கி.மீ வரை ரேஞ்ச் கொடுக்கும் என நிறுவனம் உறுதியளிக்கிறது. டூயல் ஜோன் ஏசி, பின் இருக்கை பயணிகளுக்கான டைப்-சி யுஎஸ்பி சார்ஜர், ரியர் ஏசி வென்ட்கள், வயர்லெஸ் போன் சார்ஜிங், சன்ரூஃப், புஷ்-பட்டன் ஸ்டார்ட்-ஸ்டாப், உயரத்தை அட்ஜஸ்ட் செய்யக்கூடிய டிரைவர் சீட், பனோரமிக் சன்ரூஃப் போன்ற பல வசதிகளும் இந்த காரில் உள்ளன. இந்திய மார்க்கெட்டில் டாடா நெக்ஸான் இவி கார் தான் XUV400-க்கு முக்கிய போட்டியாக உள்ளது.