அலுவலக பயணத்துக்கும் கல்லூரி ரைடுக்கும் ஒரே பைக் தேடுகிறீர்களா? மைலேஜ், வசதி, அம்சங்கள் ஆகிய அனைத்தையும் வைத்து பார்த்தால் இரண்டு பைக்குகள் முன்னிலையில் இருக்கிறது. அதைப் பற்றி பார்க்கலாம்.
இன்று ஒரு பைக் வாங்குவது என்பது வெறும் போக்குவரத்து தேவையை நிறைவேற்றும் செயல் மட்டுமல்ல. அது ஒருவரின் வாழ்க்கை முறை, செலவுக் கட்டுப்பாடு மற்றும் தனிப்பட்ட ரசனையை வெளிப்படுத்தும் முக்கியமான முடிவாக மாறியுள்ளது. குறிப்பாக அலுவலகம் மற்றும் கல்லூரிக்கு தினமும் பயணம் செய்பவர்கள், “எரிபொருள் சிக்கனமும் இருக்க வேண்டும். தோற்றமும் சிறப்பாக இருக்க வேண்டும்” என்ற எதிர்பார்ப்புடன் தேர்வு செய்கிறார்கள். அந்த வரிசையில் தற்போது அதிக கவனம் பெறும் 125 சிசி இருசக்கரங்களில் ஹோண்டா ஷைன் 125 மற்றும் டிவிஎஸ் ரைடர் 125 முக்கிய இடம் பிடித்துள்ளது.
25
ஹோண்டா ஷைன் பைக்
ஹோண்டா ஷைன் 125, காலமாக இந்திய குடும்பங்களின் நம்பிக்கையைப் பெற்றிருக்கும் பயணப் பைக்காக நீண்ட காலமாகக் கருதப்படுகிறது. இதன் வடிவமைப்பு எளிமையும், நேர்த்தியும் கலந்ததாக உள்ளது. 123.94 சிசி திறன் கொண்ட எஞ்சின் ஆனது காலை நேர அவசரப் பயணங்களிலும் சீரான இயக்கத்தை வழங்குகிறது. தினசரி நீண்ட தூரம் பயணம் செய்பவர்களுக்கு மென்மையான இருக்கை மற்றும் ஐந்து ஸ்டேஜ் கியர் அமைப்பு கூடுதல் வசதியை வழங்குகிறது.
35
டிவிஎஸ் ரைடர் பைக்
மற்றொரு புறம், டிவிஎஸ் ரைடர் 125 இளைஞர்களின் ரசனையை மனதில் வைத்திருப்பது தெளிவாக தெரிகிறது. கூர்மையான தோற்றம், கவர்ச்சியான முன்பகுதி மற்றும் திடமான எரிபொருள் தொட்டி அமைப்பு இதற்கு தனித்துவத்தை வழங்குகின்றன. 124.8 சிசி மூன்று வால்வு இயந்திரம் வேகமான முன்னேற்றத்தை வழங்குவதுடன், முழு மின்னணு திரை, கைப்பேசி இணைப்பு மற்றும் வழிகாட்டி வசதி போன்ற நவீன அம்சங்களையும் கொண்டுள்ளது.
இரண்டு பைக்குகளும் எரிபொருள் சிக்கனத்தையும் அன்றாட பயன்பாட்டையும் கருத்தில் கொண்டு உருவாக்கப்பட்டாலும், இறுதி தேர்வை தீர்மானிப்பது பயனாளியின் வாழ்க்கை முறைதான். நம்பகத்தன்மை, குறைந்த பராமரிப்பு செலவு மற்றும் எளிமையான தோற்றம் விரும்புபவர்களுக்கு ஹோண்டா ஷைன் 125 ஏற்ற தேர்வாக இருக்கும். அதே சமயம், இளமையான தோற்றமும் புதிய தொழில்நுட்ப அம்சங்களும் விரும்புபவர்களை டிவிஎஸ் ரைடர் 125 அதிகம் கவரக்கூடும்.
55
எது சிறந்த பைக்?
ஒரு பைக் என்பது வெறும் இருசக்கர வாகனம் அல்ல. அது தினமும் நம்முடன் பயணிக்கும் துணை. எனவே விலை மற்றும் இயந்திர திறன் மட்டும் அல்லாமல், தனிப்பட்ட தேவைக்கும் வாழ்க்கை முறைக்கும் ஏற்ற மாதிரியைத் தேர்வு செய்வதே சிறந்த முடிவாக இருக்கும்.
