Budget Scooter : ஹீரோ மோட்டோகார்ப் நிறுவனத்தின் விடா வி.எக்ஸ்2 மின்சார ஸ்கூட்டர், நடுத்தர மக்களைக் குறிவைத்து அறிமுகப்படுத்தப்பட்டுள்ளது. ஒருமுறை சார்ஜ் செய்தால் சுமார் 100 கி.மீ வரை மைலேஜ் தருகிறது.
இந்தியாவில் மின்சார இருசக்கர வாகனங்களுக்கு நாளுக்கு நாள் வரவேற்பு அதிகரித்து வருகிறது. குறிப்பாக குறைந்த விலையிலும் நீண்ட தூரம் பயணிக்கக் கூடிய வாகனங்களை மக்கள் அதிகம் விரும்பத் தொடங்கியுள்ளனர். இந்த நிலையில் ஹீரோ மோட்டோகார்ப் நிறுவனத்தின் “விடா வி.எக்ஸ்2” மின்சார ஸ்கூட்டர் தற்போது நடுத்தர மக்களின் கவனத்தை ஈர்த்துள்ளது. அன்றாட பயன்பாட்டை மனதில் வைத்து இந்த வாகனம் உள்ளது.
25
ஆரம்ப விலை குறைவு
இந்த ஸ்கூட்டரின் முக்கிய சிறப்பு, “பேட்டரி சேவை திட்டம்” என்ற புதிய முறையாகும். இதன் மூலம் வாகனத்தை வாங்கும்போது பேட்டரிக்கான முழுத் தொகையையும் ஒரே நேரத்தில் செலுத்த வேண்டிய அவசியம் இல்லை. வாகனத்தை மட்டும் வாங்கி, பின்னர் பேட்டரி பயன்பாட்டிற்கு மாதந்தோறும் அல்லது பயன்படுத்தும் தூரத்தைப் பொறுத்து கட்டணம் செலுத்தலாம். இதனால் இந்த ஸ்கூட்டரின் ஆரம்ப விலை மிகவும் குறைந்துள்ளது.
35
அதிக மைலேஜ் கொடுக்கும் ஸ்கூட்டர்
இந்த மாடலில் இரண்டு வகை மின்கலம் தேர்வுகள் வழங்கப்படுகின்றன. வீட்டிலோ அலுவலகத்திலோ சாதாரண மின் இணைப்பில் எளிதாக சார்ஜ் செய்யக்கூடிய வகையில் இதன் மின்கலம் உள்ளது. ஒரு முறை முழுமையாக சார்ஜ் செய்தால் சுமார் 100 கிலோமீட்டர் பயணம் செய்ய முடியும் என தெரிவிக்கப்பட்டுள்ளது. மேலும் மணிக்கு 70 கிலோமீட்டர் வேகம் வரை செல்லும் திறனும் இதில் உள்ளது.
வசதிகளைப் பொறுத்தவரை, முழுமையான இலக்க மின்திரை, வழிகாட்டி வசதி, கைப்பேசி இணைப்பு, மின்கல நிலை தகவல் போன்ற பல நவீன அம்சங்கள் இதில் இடம்பெற்றுள்ளன. மேலும் கைப்பேசி செயலி மூலம் வாகனத்தின் இருப்பிடத்தை கண்காணிக்கும் வசதி மற்றும் திருட்டு தடுப்பு அமைப்பு வழங்கப்பட்டுள்ளது.
55
அதிக இடவசதி
அதிக பொருட்களை வைத்துச் செல்லும் இடவசதி, வசதியான இருக்கை மற்றும் சமதள கால்வைத்தளம் போன்ற அம்சங்கள் காரணமாக தினசரி பயணங்களுக்கு இந்த மின்சார ஸ்கூட்டர் மிகவும் பயனுள்ளதாக இருக்கும். குறைந்த செலவில் அதிக பயன் தரும் இந்த வாகனம் தற்போது பலரின் விருப்பமான தேர்வாக மாறி வருகிறது.
