Car Mileage Tips: கார் ஜன்னலை திறந்து ஓட்டினா மைலேஜ் குறையுமா? உண்மை என்ன?

ஏசி ஆஃப் பண்ணிட்டு, கார் ஜன்னலை திறந்து ஓட்டினா பெட்ரோல் மிச்சமாகும்னு நிறைய பேர் நினைக்கிறாங்க. ஆனா, இது உண்மையா? ஜன்னலுக்கும் மைலேஜுக்கும் என்ன சம்பந்தம்னு இந்த போட்டோ ஸ்டோரியில் பார்க்கலாம்.

ஜன்னல் திறந்தா மைலேஜ் கூடுமா?

ஜன்னலை திறந்து ஓட்டினா மைலேஜ் அதிகமாகும்னு பலரும் நினைக்கிறாங்க. ஆனா, எல்லா நேரத்திலும் இது உண்மையல்ல. கார்களை வடிவமைக்கும்போது, ஏரோடைனமிக்ஸ் (aerodynamics) ரொம்ப முக்கியம். அதாவது, காத்து தடையின்றி போகும்படி டிசைன் செய்வாங்க. ஜன்னலை திறக்கும்போது, காத்து நேரா காருக்குள் புகுந்து, காரின் சமநிலையை பாதிக்கும். இதனால இன்ஜின் மீது கூடுதல் அழுத்தம் ஏற்பட்டு, எரிபொருள் அதிகமாக செலவாகும்.

வேகமாக ஓட்டும்போது மைலேஜ் குறைய வாய்ப்பு

நீங்க மணிக்கு 70–80 கி.மீ. அல்லது அதற்கும் அதிகமான வேகத்தில் போகும்போது, ஜன்னலை திறந்து ஓட்டினால் 'டிராக் எஃபெக்ட்' (drag effect) ஏற்படும். அப்போ, காத்து காரை பின்னோக்கி தள்ளும். இதனால இன்ஜின் இன்னும் அதிகமா உழைக்க வேண்டியிருக்கும். இதன் விளைவாக, பெட்ரோல் அல்லது டீசல் அதிகம் செலவாகும். சில சமயம், ஹைவேயில் இப்படி ஓட்டும்போது மைலேஜ் 10 முதல் 20 சதவீதம் வரை குறைய வாய்ப்புள்ளதாக நிபுணர்கள் கூறுகின்றனர்.

ஏரோடைனமிக்ஸ் காரின் செயல்திறனில் ஏற்படுத்தும் தாக்கம்

கார் ஜன்னல்களை மூடி வைக்கும்போது, வாகனம் காத்தை சுலபமாக கிழித்துக்கொண்டு முன்னே செல்லும். இதனால காரின் ஏரோடைனமிக் செயல்பாடு சிறப்பாக இருக்கும். ஆனா, ஜன்னலை திறந்தா, காத்து உள்ளே வருவதால் காரைச் சுற்றியுள்ள காற்று ஓட்டம் மாறும். இது காரின் வேகத்தை பாதிக்கும். இதனால இன்ஜின் அதிக சக்தியை பயன்படுத்த வேண்டியிருக்கும்.

நகரத்தில் மெதுவாக ஓட்டினால் எப்படி?

நீங்க நகரத்தில் மணிக்கு 30–40 கி.மீ. வேகத்தில் மெதுவாக ஓட்டும்போது, ஜன்னலை திறந்து வெச்சுட்டு போறதுல பெரிய பிரச்சினை இல்லை. இந்த வேகத்தில் காற்றின் அழுத்தம் ரொம்ப குறைவாக இருக்கும். அதனால இன்ஜின் மீது கூடுதல் சுமை ஏற்படாது. அதே சமயம், ஏசி ஆன் செய்தால், கம்ப்ரெசர் இன்ஜினில் இருந்து சக்தியை எடுத்துக்கொள்ளும். இதனால எரிபொருள் கொஞ்சம் அதிகமாக செலவாக வாய்ப்புள்ளது.

மைலேஜ் அதிகரிக்க என்ன செய்ய வேண்டும்?

ஹைவேயில் வேகமாகப் போகும்போது, ஜன்னல்களை மூடிவிட்டு ஏசி ஆன் செய்து பயணம் செய்வது நல்லது என நிபுணர்கள் பரிந்துரைக்கின்றனர். இப்படி செய்வதால், காரின் ஏரோடைனமிக்ஸ் சரியாக வேலை செய்யும். கார் சீராக முன்னேறிச் செல்லும். இதனால் எரிபொருள் செலவும் ஓரளவுக்கு குறையும். சுருக்கமாகச் சொன்னால், குறைந்த வேகத்தில் ஜன்னல்களைத் திறந்து ஓட்டலாம். ஆனால், அதிக வேகத்தில் பயணம் செய்யும்போது, ஜன்னல்களை மூடிவிட்டு ஏசி போட்டு ஓட்டுவதுதான் மைலேஜுக்கு நல்லது.