ரூ.57,000-க்கு ஹீரோ பைக்..! மைலேஜ் கேட்டா அதிர்ச்சி ஆயிடுவீங்க..!

ரூ.60000 பட்ஜெட்டில் தினசரி பயணங்களுக்கு ஏற்ற பைக் தேடுபவர்களுக்கு ஹீரோ HF ஒரு சிறந்த தேர்வாகும். இந்த 100cc பைக் குறைந்த விலையில் நல்ல மைலேஜ் மற்றும் எளிமையான பராமரிப்பை வழங்குகிறது.

ரூ.60000 கீழ் பைக்

பட்ஜெட்டில் சிறந்த டீல் தேடுபவர்களுக்கு, ஹீரோ நிறுவனத்தின் HF பைக் ஒரு நம்பகமான தேர்வாக பார்க்கப்படுகிறது. தினசரி பயணங்களுக்கு ஏற்ற இந்த 100cc பைக், குறைந்த விலையில் நல்ல மைலேஜ் மற்றும் சிம்பிளான பராமரிப்பு வழங்குகிறது. வேலைக்கு போவது, சிறிய வேலைகள் செய்வது போன்ற பயன்பாடுகளுக்கு இது சரியான தேர்வாக இருக்கும். இந்த ஹீரோ HF பைக்கில் 97.2cc எஞ்சின் வழங்கப்பட்டுள்ளது. இது சுமார் 8 ஹார்ஸ் பவர் மற்றும் 8.05 Nm டார்க் உற்பத்தி செய்யும் திறன் கொண்டது. அதோடு 4-ஸ்பீட் கியர்பாக்ஸ் இணைக்கப்பட்டுள்ளதால் நகர்ப்புற சாலைகளில் சுலபமாக ஓட்ட முடியும்.

பட்ஜெட் பைக்

அனைத்து வேரியண்ட்களிலும் ஒரே எஞ்சின் மற்றும் அடிப்படை அமைப்பு இருப்பது இந்த பைக்கின் முக்கியமானது. விலை பற்றி பேசும்போது, ​​இந்த பைக்கின் ஆரம்ப எக்ஸ்-ஷோரூம் விலை சுமார் ரூ.56,000 முதல் ரூ.60,000 வரை உள்ளது. குறைந்த விலையில் கிடைக்கும் HF Deluxe All-Black வேரியண்ட் ரூ.57,657 ஆக நிர்ணயிக்கப்பட்டுள்ளது. இதில் கிக் ஸ்டார்ட் மட்டும் வழங்கப்பட்டுள்ளது. ஆனால் டியூப்லெஸ் டயர்கள் மற்றும் பெரிய எரிபொருள் டேங்க் போன்ற வசதிகள் இதில் கிடைக்கின்றன.

தினசரி பயண பைக்

அடுத்து HF 100 வேரியண்ட் ரூ.59,839 விலையில் கிடைக்கிறது. இதில் டியூப் டயர்கள் மற்றும் சற்று குறைந்த அளவிலான எரிபொருள் டேங்க் வழங்கப்பட்டுள்ளது. மேலும் HF Deluxe Kick வேரியண்ட் ரூ.61,457 விலையில் பல நிறங்களில் கிடைக்கிறது. இதில் எஞ்சின் மற்றும் பிற அம்சங்களில் பெரிய மாற்றம் இல்லை. சிறிது கூடுதல் வசதிகளை விரும்புபவர்களுக்கு HF Deluxe Self வேரியண்ட் ரூ.66,664 விலையில் கிடைக்கிறது. இதில் கிக் மற்றும் செல்ஃப் ஸ்டார்ட் இரண்டும் வழங்கப்பட்டுள்ளது. மேலும் i3S தொழில்நுட்பம் கொண்ட மேல் நிலை மாடல், போக்குவரத்து நெரிசலில் எரிபொருள் சேமிக்க உதவுகிறது. மொத்தத்தில், குறைந்த செலவில் நம்பகமான பைக் தேடும் பயனர்களின் ஹீரோ HF ஒரு நல்ல தேர்வாகும்.