ஹீரோ மோட்டோகார்ப் (Hero MotoCorp) நிறுவனம் தனது பைக்கிற்கான ஏலத்தை அறிவித்துள்ளது. இந்த மோட்டார் சைக்கிளின் 75 யூனிட்களுக்கான ஒட்டுமொத்த ஏலத் தொகையாக ரூ. 8.58 கோடி திரட்டப்பட்டுள்ளது என்று அந்த நிறுவனம் கூறியுள்ளது.
ஹீரோ மோட்டோகார்ப் (Hero MotoCorp) நிறுவனம் தனது சென்டினியல் (‘The Centennial’) பைக்கிற்கான ஏலத்தை அறிவித்துள்ளது. இந்த மோட்டார் சைக்கிளின் 75 யூனிட்களுக்கான ஒட்டுமொத்த ஏலத் தொகையாக ரூ. 8.58 கோடி திரட்டப்பட்டுள்ளது என்று அந்த நிறுவனம் கூறியுள்ளது.
இந்த பைக் ஏலத்தில் அதிகபட்சமாக ஒரு பைக் 20.30 லட்சம் விலைக்கு ஏலம் போனது. இந்த ஏலத்தில் கிடைக்கும் வருமானம் தொண்டு நிறுவனங்களுக்கு வழங்கப்படும். இன்னும் 25 யூனிட்கள், ஹீரோ மோட்டோகார்ப் விற்பனை மையங்களில் காட்சிப்படுத்தப்பட்டு, ஊழியர்கள் மற்றும் வாடிக்கையாளர்களுக்கு போட்டிகள் நடத்தி பரிசாக வழங்கப்படும்.
ஹீரோ தனது போட்டியின் விவரங்களை ஏற்கனவே அறிவித்துள்ளது. அதில் வெற்றி பெறுபவர் ஹீரோ சென்டினியல் பைக்கைப் பரிசாகப் பெறுவார்கள். பங்கேற்பாளர்கள் முதலில் தங்கள் ஹீரோ தயாரிப்பு பற்றிய புகைப்படங்கள் மற்றும் கதைகளை myheroforever@heromotocorp.com என்ற முகவரிக்கு ஈமெயில் செய்ய வேண்டும்.
அடுத்து, செயற்கை நுண்ணறிவைப் பயன்படுத்தி ஒவ்வொரு பங்கேற்பாளரின் பிரத்யேகமான விஷுவல் பிரசென்டேஷன் உருவாக்கப்படும். பங்கேற்பாளர்கள் தங்கள் சமூக ஊடகங்களில் வீடியோக்களை உருவாக்க மற்றும் பகிர #MyForeverHero என்ற ஹேஷ்டேக் பயன்படுத்த வேண்டும். ஹீரோ நிறுவனத்தின் குழு பின்னர் மதிப்பாய்வு செய்யப்பட்டு, ஒரு வெற்றியாளர்கள் தேர்ந்தெடுக்கப்படுவார்கள்.
ஜனவரியில் நடந்த அதன் ‘ஹீரோ வேர்ல்ட் 2024’ நிகழ்வில் முதன்முதலில் வெளியிடப்பட்டது, ‘தி சென்டெனியல்’ கரிஸ்மா எக்ஸ்எம்ஆரை அடிப்படையாகக் கொண்டது. மேலும் 100 யூனிட்களை மட்டுமே உற்பத்தி செய்கிறது. நிறுவனத்தின் தலைவர் டாக்டர் பிரிஜ்மோகன் லால் முன்ஜாலின் 101வது பிறந்தநாளை நினைவுகூரும் வகையில் இது வெளியிடப்பட்டது.
இந்தியாவில் உள்ள புத்தாக்கம் மற்றும் தொழில்நுட்ப மையம் (CIT) மற்றும் ஜெர்மனியில் உள்ள டெக் சென்டர் அமைப்புகளில் உள்ள ஹீரோ குழுவினரால் இந்த மோட்டார்சைக்கிள் வடிவமைக்கப்பட்டது என ஹீரோ நிறுவனம் கூறியிருக்கிறது.
செண்டினியலில் ஒரு பகுதி-கார்பன் ஃபைபர் செமி ஃபேரிங், மெஷின்டு மற்றும் அனோடைஸ் செய்யப்பட்ட ஹேண்டில்பார்கள், ஹேண்டில்பார் மவுண்ட்கள், டிரிபிள் கிளாம்ப்கள் மற்றும் பின்புற-செட் ஃபுட் பெக்குகள் மற்றும் அலுமினிய ஸ்விங் ஆர்ம் மற்றும் கார்பன் மற்றும் டைட்டானியம் அக்ராபோவிக் எக்ஸாஸ்ட் ஆகியவை உள்ளன. அனைத்து மாற்றங்களும் செண்டினியலை வழக்கமான கரிஸ்மா XMR ஐ விட சற்று இலகுவாக ஆக்குகின்றன. இதன் எடை 158 கிலோ என மதிப்பிடப்பட்டுள்ளது.