வெனிசுலாவில் பட்டையை கிளப்பும் இந்தியன் பிராண்ட் பைக்குகள் எவை தெரியுமா?
வெனிசுலாவில் அதிபர் நிக்கோலஸ் மதுரோ கைது செய்யப்பட்டதைத் தொடர்ந்து ஏற்பட்டுள்ள அரசியல் மற்றும் பொருளாதார நெருக்கடி, அங்கு இருசக்கர வாகன ஏற்றுமதியில் தாக்கத்தை ஏற்படுத்துமா என்ற கேள்வி எழுந்துள்ளது.
வெனிசுலாவில் அமெரிக்க ராணுவ நடவடிக்கையைத் தொடர்ந்து அரசியல் மற்றும் பொருளாதார நிலைமை கடுமையாக பாதிக்கப்பட்டுள்ளது. அதிபர் நிக்கோலஸ் மதுரோ கைது செய்யப்பட்டதாக வெளியான தகவல்கள் நாட்டில் பெரும் பதற்றத்தை ஏற்படுத்தியுள்ளன. துணை அதிபர் தற்காலிகத் தலைவராக நியமிக்கப்பட்டுள்ள நிலையில், அரசியல் நிலைத்தன்மை மற்றும் பொருளாதார அழுத்தம் வெனிசுலாவை கடுமையாக தாக்குகிறது. பெரும்பாலான அத்தியாவசியப் பொருட்களை வெளிநாடுகளில் இருந்து இறக்குமதி செய்யும் நாடாக இருப்பதால், இந்த நெருக்கடி பொதுமக்களின் வாழ்க்கையிலும் தாக்கத்தை ஏற்படுத்தியுள்ளது.
இந்த சூழலில், இந்தியாவுடன் உள்ள வணிக உறவுகள் குறித்தும் கவனம் திரும்பியுள்ளது. இந்தியாவின் முக்கிய ஏற்றுமதி நாடுகளில் ஒன்றாக வெனிசுல இருந்து வருகிறது. குறிப்பாக, பஜாஜ் நிறுவனத்தின் பல்சர் மற்றும் பாக்ஸர் போன்ற இருசக்கர வாகனங்கள் அங்கு நல்ல வரவேற்பைப் பெற்றுள்ளன. இருப்பினும், வெனிசுலாவிற்கு ஏற்றுமதி செய்யப்படும், பஜாஜ் ஆட்டோவின் மொத்த வெளிநாட்டு ஏற்றுமதியில் ஒரு சதவீதத்திற்கும் குறைவாகவே இருப்பதாக நிறுவனம் தெளிவுபடுத்தியுள்ளது. வெனிசுலா சந்தை முக்கியமானதாக இருந்தாலும், நிறுவனத்தின் ஒட்டுமொத்த வர்த்தகத்தில் அதன் பங்கு குறைவு என்பதே பஜாஜின் நிலைப்பாடு.