ஸ்டைலிஷ் லுக், அம்புட்டு அழகு: 34 சீரிஸ் எக்ட்ரிக் ஸ்கூட்டரை அறிமுகப்படுத்திய Bajaj Chetak

புதிய அம்சங்கள், பேட்டரி மற்றும் வடிவமைப்புடன் பஜாஜ் சேட்டக் 35 சீரிஸ் அறிமுகப்படுத்தப்பட்டுள்ளது. புதிய எலக்ட்ரிக் ஸ்கூட்டர் ஒரு முறை சார்ஜ் செய்தால் 150 கி.மீ மைலேஜ் தரும்.

இந்தியாவில் கிடைக்கும் சிறந்த எலக்ட்ரிக் ஸ்கூட்டர்களில் பஜாஜ் சேட்டக்கும் ஒன்று. பல ஆண்டுகளுக்குப் பிறகு 2020 இல் பஜாஜ் சேட்டக் புதிய அவதாரத்தில் வெளியிடப்பட்டது. எலக்ட்ரிக் சேட்டக் ஸ்கூட்டர் பெரும்பாலானோரின் கவனத்தை ஈர்த்தது. இப்போது அதே சேட்டக் (Bajaj Chetak) எலக்ட்ரிக் ஸ்கூட்டர் மேலும் அப்டேட்களுடன் வெளியிடப்பட்டுள்ளது.

நியோ கிளாசிக் ஸ்டைல், மெட்டாலிக் பாடி, பவர்டிரெய்ன், அம்சங்கள் உள்ளிட்ட பல முக்கிய மாற்றங்களுடன் புதிய சேட்டக் எலக்ட்ரிக் ஸ்கூட்டர் வெளியிடப்பட்டுள்ளது. மூன்று வகைகளில் ஸ்கூட்டர் கிடைக்கிறது. 3502, 3501 மற்றும் 3503 வகைகள் புதிய சேட்டக் (Chetak) ஸ்கூட்டரில் கிடைக்கின்றன.

வட்ட ஹெட்லேம்ப், DRL உடன் உள்ளது. சிறப்பு என்னவென்றால், சீட் மற்றும் ஃப்ளோர்போர்டு பழைய சேட்டக் EV-ஐ விட நீளமாக உள்ளது. இதனால், மிகவும் வசதியான பயணம் அல்லது பொருட்களை எடுத்துச் செல்ல உதவியாக இருக்கும். 35 லிட்டர் பூட் ஸ்பேஸ் புதிய சேட்டக் EV-யில் உள்ளது.

முக்கியமாக, ஒரு முறை சார்ஜ் செய்தால் 150 கி.மீ மைலேஜ் வரம்பை புதிய சேட்டக் EV வழங்கும். சார்ஜிங் நேரமும் குறைக்கப்பட்டுள்ளது. 0-80 சதவீதம் சார்ஜ் ஆக 3 மணி நேரம் மட்டுமே ஆகும். மூன்று வகை ஸ்கூட்டர்களும் மூன்று பேட்டரி பேக்குகளைக் கொண்டுள்ளன. எனவே, ஒவ்வொரு வகையின் மைலேஜும் மாறுபடும். நடைமுறையில் 125 கி.மீ மைலேஜ் நிச்சயமாக கிடைக்கும்.

5 இன்ச் TFT ஸ்கிரீனுடன் டிஜிட்டல் இன்ஸ்ட்ரூமென்ட் கிளஸ்டர் உள்ளது. சவாரி பற்றிய அனைத்து தகவல்களையும் இது வழங்கும். வழிசெலுத்தல், அழைப்பை ஏற்றுக்கொள்வது மற்றும் நிராகரிப்பது, இசை, ஆவண சேமிப்பு, ஜியோ ஃபென்சிங், திருட்டு எச்சரிக்கை, விபத்து கண்டறிதல், அதிக வேக எச்சரிக்கை உள்ளிட்ட பத்து அம்சங்கள் இதில் உள்ளன.

புதிய பஜாஜ் சேட்டக் எலக்ட்ரிக் ஸ்கூட்டரின் ஆரம்ப விலை ரூ.1.20 லட்சம் (எக்ஸ்-ஷோரூம்). இது 3502 வகையின் விலை. 3501 வகை ஸ்கூட்டரின் விலை ரூ.1.27 லட்சம் (எக்ஸ்-ஷோரூம்). 3503 வகை ஸ்கூட்டரின் விலை இன்னும் வெளியிடப்படவில்லை.