260 km Range: அவோர் எலக்ட்ரிக் களமிறங்கியுள்ளது. தனது முதல் எலக்ட்ரிக் மோட்டார்சைக்கிளான அவோர் இஎக்ஸ்-I ரூ.1.25 லட்சம் (எக்ஸ்-ஷோரூம்) ஆரம்ப விலையில் அறிமுகப்படுத்தப்பட்டுள்ளது.
அகமதாபாத்தை தலைமையிடமாகக் கொண்ட அவோர் எலக்ட்ரிக், இந்திய சந்தையில் தனது முதல் எலக்ட்ரிக் மோட்டார்சைக்கிளான அவோர் இஎக்ஸ்-ஐ அறிமுகப்படுத்தியுள்ளது. இந்த பைக்கின் ஆரம்ப எக்ஸ்-ஷோரூம் விலை ரூ.1.25 லட்சம் என நிர்ணயிக்கப்பட்டுள்ளது. நீண்ட எதிர்பார்ப்பு மற்றும் நவீன தொழில்நுட்ப அம்சங்களையும் வாடிக்கையாளர்களை இலக்காகக் கொண்டு இந்த மாடல் உருவாக்கப்பட்டுள்ளதாக நிறுவனம் தெரிவித்துள்ளது.
25
அவோர் இஎக்ஸ் வேரியண்ட்கள்
அவோர் இஎக்ஸ் மூன்று வேரியண்ட்களில் அறிமுகமாகியுள்ளது. அவை இஎக்ஸ் 2S, இஎக்ஸ் 2 மற்றும் இஎக்ஸ் 1. முன்பதிவு ரூ.799-க்கு தொடங்கியுள்ளது. வாடிக்கையாளர்களுக்கான டெலிவரி சுமார் இரண்டு மாதங்களில் தொடங்கும் என நிறுவனம் தெரிவித்துள்ளது. ரேஞ்சைப் பொறுத்தவரை, இஎக்ஸ் 2S மாடல் முழு சார்ஜில் 260 கிலோமீட்டர் வரை செல்லும் என நிறுவனம் கூறுகிறது. இஎக்ஸ் 2 மாடலுக்கு 255 கிலோமீட்டர் வரை ரேஞ்ச் வழங்கப்படுவதாக தெரிவிக்கப்பட்டுள்ளது.
ஆரம்ப நிலை இஎக்ஸ் 1 வேரியண்ட் 160 கிலோமீட்டர் வரை பயணிக்கும் திறன் கொண்டது. உயர்நிலை மாடலின் அதிகபட்ச வேகம் 114 கிமீ/மணி. கடந்த மூன்று ஆண்டுகளாக இந்த பைக்கை நிறுவனம் உருவாக்கி வந்ததாகவும், பேட்டரி மேலாண்மை அமைப்பு, மோட்டார், மோட்டார் கண்ட்ரோலர், ஆன்போர்டு சார்ஜர் மற்றும் இயங்குதளம் உள்ளிட்ட 120க்கும் மேற்பட்ட காப்புரிமை விண்ணப்பங்கள் தாக்கல் செய்யப்பட்டுள்ளதாகவும் தெரிவிக்கப்பட்டுள்ளது.
வேரியண்டைப் பொறுத்து 7.5 kW முதல் 10.5 kW வரை சக்தி வழங்கும். அனைத்து வேரியண்ட்களிலும் 250 Nm பீக் வீல் முறுக்கு வழங்கப்படுவதால் வேகமான ஆக்சிலரேஷன் கிடைக்கும் என நிறுவனம் கூறுகிறது. மேலும், மேனுவல் மற்றும் ஆட்டோமேட்டிக் முறைகள், AI அடிப்படையிலான ரைடர் உதவியாளர், இணைக்கப்பட்ட தொழில்நுட்பம் மற்றும் நிறுவனத்தின் சொந்த இயக்க முறைமை போன்ற அம்சங்களும் இடம்பெற்றுள்ளன.
55
4 மணி நேரத்தில் சார்ஜ் செய்யலாம்
சாதாரண வீட்டு மின்சார இணைப்பிலேயே சார்ஜ் செய்ய முடியும். 20% முதல் 80% வரை 2 மணி நேரத்திலும், முழு 100% சார்ஜ் சுமார் 4 மணி நேரத்திலும் நிறைவடையும் என தெரிவிக்கப்பட்டுள்ளது. பாதுகாப்புகளாக AIS 156 மற்றும் AIS 038 தரநிலைகளுக்கு இணங்க தயாரிக்கப்பட்டுள்ளது இந்த பைக்கிற்கு 5 ஆண்டுகள் அல்லது 60,000 கிமீ பேட்டரி வாரண்டியும் வழங்கப்படுகிறது.
