சிரிக்கும் புத்தர் சிலையை வீட்டில் சரியான திசையில் வைப்பதன் மூலம் அமைதியையும் செழிப்பையும் ஈர்க்கலாம். வீட்டில் நேர்மறை ஆற்றலை அதிகரிக்க சிறந்த திசைகள் மற்றும் குறிப்புகள் இங்கே.
வீட்டில் புத்தர் சிலையை வைப்பது அமைதியையும் செழிப்பையும் தரும் என்று நம்பப்படுகிறது. சிரிக்கும் புத்தர் சிலையை வைப்பதை விட, அது எந்த திசையில் வைக்கப்படுகிறது என்பதைக் கருத்தில் கொள்வது முக்கியம். வீட்டில் நேர்மறை ஆற்றலை ஈர்க்கவும் அமைதியை மேம்படுத்தவும் புத்தர் சிலையை எவ்வாறு வைப்பது என்பது குறித்து வாஸ்து சாஸ்திரம் வழிகாட்டுதலை வழங்குகிறது.
சிலர் வீட்டில் சிரிக்கும் புத்தர் சிலையை வாங்கி வைக்கிறார்கள். அது செல்வத்தைக் கொடுக்கும் இந்து கடவுளான குபேரனைக் குறிக்கிறது என்று கருதுகின்றனர். இது தவறு. சிரிக்கும் புத்தரை சீன ஃபெங் சுய்யில் அதிகம் முக்கியத்துவம் அளிக்கின்றனர். மகிழ்ச்சி, செழிப்பின் அடையாளமாக சிரிக்கும் புத்தர் கருதப்படுகிறார். சிரிக்கும் புத்தர் செல்வத்தையும் நல்ல அதிர்ஷ்டத்தையும் ஈர்ப்பவர். ஆனால், குபேரனுடன் தொடர்புடையவர் அல்ல. பலர் இந்த சிலையை வீட்டின் அலங்காரத்தை மேம்படுத்தவும் நேர்மறை ஆற்றல் மற்றும் செழிப்பை அதிகரிக்கவும் பயன்படுத்துகின்றனர். வீட்டில் சிரிக்கும் புத்தர் சிலையை வைப்பது உண்மையில் செல்வத்தையும் மகிழ்ச்சியையும் ஈர்க்கும் என்று சில ஆன்மீகவாதிகள் நம்புகிறார்கள்.
அதிர்ஷ்டத்தையும் சாத்தியமான நிதி ஆதாயங்களையும் ஈர்க்க, உங்கள் வீட்டின் தென்கிழக்கு திசையில் சிரிக்கும் புத்தர் சிலையை வைக்கலாம். கிழக்கு திசை புதையல் அளிக்கும் திசையாக கருதப்படுகிறது, எனவே சிலையை அங்கு வைப்பது குடும்ப நல்லிணக்கத்தை மேம்படுத்தும் மற்றும் மோதல்களைக் குறைக்கும். சிரிக்கும் புத்தர் எதிர்மறை எண்ணங்களை அகற்றி நேர்மறையை வளர்ப்பதாக நம்பப்படுகிறது.
சிரிக்கும் புத்தர் சிலையை உங்கள் வீட்டின் எந்த அறையிலும், மண்டபம், படுக்கையறை அல்லது உணவு அறை உட்பட வைக்கலாம்.