Sun Transit: சிம்ம ராசியில் சூரிய பெயர்ச்சி: 'லாட்டரி' அதிர்ஷ்டம் பெறப் போகும் 4 ராசிகள்.. ராஜயோகம்!

Sun Transit: சூரிய பகவான் ஆகஸ்ட் 17-ஆம் தேதி முதல் தனது சொந்த வீடான சிம்ம ராசிக்கு பெயர்ச்சி ஆகவுள்ளார். இதன் காரணமாக 4 ராசிகளுக்கு லாட்டரி அடித்த மாதிரி அதிஷ்ட மழை பொழிய போகிறது. அவை எந்தெந்த ராசிகள் என பார்க்கலாம்.

சிம்ம ராசியில் சூரிய பெயர்ச்சி 2026

ஜோதிட சாஸ்திரத்தில் கிரகங்களின் அதிபதியாகவும், 'ராஜா'வாகவும் திகழ்பவர் சூரிய பகவான். இவர் மாதம் ஒருமுறை தனது ராசியை மாற்றுவது வழக்கம். அந்த வகையில், தற்போது கடக ராசியில் பயணித்து வரும் சூரியன், வரும் ஆகஸ்ட் 17-ஆம் தேதி முதல் தனது சொந்த வீடான சிம்ம ராசிக்கு பெயர்ச்சி ஆகவுள்ளார்.

ஒரு கிரகம் தனது சொந்த ராசிக்கு செல்லும்போது அதன் பலன் இரட்டிப்பாகும். எனவே, சூரியனின் இந்த நகர்வு அனைத்து ராசிகளுக்கும் மாற்றங்களைத் தந்தாலும், குறிப்பாக 3 ராசியினருக்குப் மிகப்பெரிய யோகத்தையும் அதிர்ஷ்டத்தையும் தரப்போகிறது. அவர்கள் யார் யார் என்று பார்க்கலாம்.

இதையும் படிங்க: Astrology: சனி - சுக்கிரன் பிரதியுதி யோகம்: ஆகஸ்ட் 21 முதல் இந்த 4 ராசிகளுக்கு பண மழை!

மேஷம்

மேஷ ராசியினருக்கு சூரியன் 5-ஆம் இடமான பூர்வ புண்ணிய ஸ்தானத்திற்குச் செல்கிறார். இதனால் உங்களின் சிந்தனைத் திறனும் படைப்பாற்றலும் அதிகரிக்கும். தினசரி வருமானம் உயருவதோடு, தொழில் மற்றும் வியாபாரத்தில் நல்ல லாபம் கிடைக்கும்.

அரசு வேலைக்கு முயல்பவர்களுக்கு நல்ல செய்தி கிடைக்கும். வேலையில் இருப்பவர்களுக்கு உழைப்பிற்கேற்ற அங்கீகாரம் தேடிவரும்.புதிய வாகனம் அல்லது வீடு, நிலம் போன்ற சொத்துக்கள் வாங்கும் யோகம் உண்டாகும். நீண்ட நாட்களாக தொந்தரவு கொடுத்து வந்த உடல்நலப் பிரச்சினைகள் விலகி, ஆரோக்கியம் சீராகும்.

இதையும் படிங்க: சனி பெயர்ச்சி 2027: 30 ஆண்டுகளுக்கு பின் நடக்கும் அதிசயம்.. இந்த 4 ராசிகளுக்கு தொட்டதெல்லாம் பொன்னாகும்!

சிம்மம்

தன் சொந்த ராசியான முதல் வீட்டிற்கே (லக்னம்) சூரியன் வருவதால், சிம்ம ராசியினருக்கு தன்னம்பிக்கையும் ஆளுமைத் திறனும் பல மடங்கு அதிகரிக்கும். தொழிலை விரிவாக்கம் செய்ய நினைப்பவர்களுக்கு இது உகந்த காலம். நிலையான பண வரவு இருக்கும்.

அலுவலகத்தில் உங்கள் செல்வாக்கு உயரும். புதிய வேலை தேடுபவர்களுக்கு எதிர்பார்த்த வேலை வாய்ப்பு அமையும். உங்கள் பேச்சாற்றல் அதிகரிக்கும். எந்தவொரு முக்கிய முடிவையும் தெளிவாக எடுத்து வெற்றி காண்பீர்கள். நீண்ட நாள் லட்சியங்கள் நிறைவேறும்.

தனுசு

தனுசு ராசிக்கு சூரியன் 9-ஆம் வீடான பாக்கிய ஸ்தானத்தில் சஞ்சரிக்கிறார். இது உங்களுக்குப் பல்வேறு வழிகளில் அதிர்ஷ்டக் கதவுகளைத் திறக்கும். அலுவலகத்தில் உங்கள் கடின உழைப்பிற்கு ஏற்ற பதவி உயர்வு மற்றும் ஊதிய உயர்வு கிடைக்க வாய்ப்புள்ளது.

சமூகத்தில் மதிப்பும் மரியாதையும் கூடும். கணவன்-மனைவி இடையே இருந்த கருத்து வேறுபாடுகள் மறைந்து, குடும்பத்தில் அமைதியும் மகிழ்ச்சியும் நிலவும். தொழில் மற்றும் தனிப்பட்ட தேவைகளுக்காக வெளியூர் அல்லது வெளிநாடு செல்லும் வாய்ப்புகள் அமையும்.

துலாம்

துலாம் ராசியினருக்கு சூரியன் 11-ஆம் வீடான லாப ஸ்தானத்தில் சஞ்சரிக்கிறார். இதனால் பொருளாதார ரீதியாக உங்களுக்கு மிகப்பெரிய முன்னேற்றம் உண்டாகும். இதுவரை முடங்கிக் கிடந்த பண உதவிகள் தேடிவரும்.

திடீர் அதிர்ஷ்டம் மற்றும் புதிய முதலீடுகள் மூலம் லாபம் பெருகும். நீண்ட நாட்களாக உங்களை ஆட்டிப்படைத்த மன அழுத்தம் மற்றும் கவலைகள் நீங்கி, மன அமைதி கிடைக்கும். சமூக வட்டத்தில் உங்கள் மதிப்பு கூடும். மூத்த சகோதரர்கள் மற்றும் உயர்மட்ட நண்பர்களின் ஆதரவால் தொழில் வாய்ப்புகள் உருவாகும்.

பொறுப்பு துறப்பு: இங்கு வழங்கப்பட்டுள்ள ஜோதிடப் பலன்கள் மற்றும் தகவல்கள் அனைத்தும் பொதுவான கணிப்புகளின் அடிப்படையிலேயே எழுதப்பட்டுள்ளன. ஒவ்வொரு நபரின் பிறந்த ஜாதகம், கிரக நிலைகள் மற்றும் நடப்பு தசாபுத்திகளுக்கு ஏற்பப் பலன்கள் மாறுபடலாம். ந்தத் தகவல்களின் அடிப்படையில் பயனர்கள் எடுக்கும் முடிவுகளுக்கும் அதன் விளைவுகளுக்கும் இந்தத் தளமோ அல்லது நிர்வாகமோ எந்தவிதத்திலும் பொறுப்பாகாது.