Name Numerology Calculator: உங்க பிறந்த தேதியை சொல்லுங்க.! நீங்க எந்த துறையில் முதலீடு செய்தால் பெரிய ஆளா வருவீங்கன்னு நாங்க சொல்றோம்.!

Name Numerology Calculator: எண் கணிதத்தின்படி ஒருவருடைய பிறந்த தேதி அவர்களின் குணாதிசயங்களையும், அவர்களுக்கு எந்தத் துறையில் முதலீடு செய்தால் அதிக லாபமும் அதிர்ஷ்டமும் கிடைக்கும் என்பதையும் தீர்மானிக்கிறது.

Name Numerology Calculator

நம் அனைவருக்குமே பிறரிடம் கைகட்டி வேலை பார்க்காமல் சொந்தமாக தொழில் செய்து முன்னேற வேண்டும் என்கிற ஆசை இருக்கும். ஆனால் சிலருக்கு சொந்த தொழில் கை கொடுப்பதில்லை. தொழிலில் அதிக நஷ்டத்தை சந்திப்பார்கள். அதற்கு அவர்கள் பிறந்த தேதியும் ஒரு காரணமாக அமைகிறது. ஒருவரின் பிறந்த தேதியின்படி யார் என்ன தொழில் செய்தால் நல்ல லாபத்தை ஈட்ட முடியும் என்பது குறித்து இந்த பதிவில் பார்க்கலாம்.

மூல எண் 1 (பிறந்த தேதிகள்: 1, 10, 19, 28)

மூல எண் 1-ல் பிறந்தவர்களை சூரிய பகவான் ஆட்சி செய்கிறார். இவர்களது குணம் - தலைமைப்பண்பு, தைரியம், புதிய முயற்சிகள். இவர்கள் அரசு பத்திரங்கள் (Government Bonds), தங்கம், மற்றும் வெள்ளி, எலக்ட்ரானிக்ஸ் மற்றும் புதுப்பிக்கத்தக்க ஆற்றல் (Solar/Renewable Energy) சார்ந்த பங்குகள், பிசினஸில் புதிய ஸ்டார்ட்-அப்களில் (Start-ups) ஆகியவற்றில் முதலீடு செய்யலாம்.

முக்கிய குறிப்பு: இவர்கள் பிறரை நம்பி முதலீடு செய்யாமல், சொந்தமாக ஆராய்ந்து முதலீடு செய்வது நல்ல லாபத்தைத் தரும்.

மூல எண் 2 (பிறந்த தேதிகள்: 2, 11, 20, 29)

மூல எண் 2-ல் பிறந்தவர்களை சந்திர பகவான் ஆட்சி செய்கிறார். இவர்களது குணம் - கற்பனைத்திறன், அமைதி, ஏற்ற இறக்கங்கள் நிறைந்த மனநிலை. இவர்கள் திரவப் பொருட்கள் சார்ந்த தொழில்கள் (பால், பலசரக்கு, ரசாயனம், அல்லது மெடிக்கல்), விவசாய நிலங்கள் அல்லது நீர்நிலை சார்ந்த சொத்துக்கள், கலை, சினிமா மற்றும் ஊடகத்துறை சார்ந்த பங்குகள் ஆகியவற்றில் முதலீடு செய்யலாம்.

முக்கிய குறிப்பு: பங்குச்சந்தையில் தினசரி வர்த்தகம் செய்வதைத் தவிர்த்து, நீண்ட கால முதலீடுகளை தேர்வு செய்வது பாதுகாப்பானது.

மூல எண் 3 (பிறந்த தேதிகள்: 3, 12, 21, 30)

மூல எண் 3-ல் பிறந்தவர்களை குரு பகவான் ஆட்சி செய்கிறார். இவர்களது குணம் - அறிவுக்கூர்மை, ஆன்மீகம், நேர்மை. இவர்கள் கல்வி நிறுவனங்கள், புத்தக வெளியீடு, மற்றும் பயிற்சி மையங்கள். பரஸ்பர நிதிகள் (Mutual Funds) மற்றும் வங்கி நிலையான வைப்புத்தொகை (FD), தங்கம் மற்றும் மஞ்சள் நிறப் பொருட்கள் ஆகியவற்றில் முதலீடு செய்யலாம்.

முக்கிய குறிப்பு: இவர்களின் அறிவுசார்ந்த முதலீடுகள் எப்பொழுதும் நஷ்டமடையாது. திட்டமிட்ட முதலீடுகள் பெரும் லாபத்தை தரும்.

மூல எண் 4 (பிறந்த தேதிகள்: 4, 13, 22, 31)

மூல எண் 4-ல் பிறந்தவர்களை ராகு பகவான் ஆட்சி செய்கிறார். இவர்களது குணம் - திடீர் மாற்றங்கள், புதுமையான சிந்தனை, ரிஸ்க் எடுப்பது. இவர்கள் தகவல் தொழில்நுட்பம் (IT), மென்பொருள் (Software), மற்றும் கிரிப்டோகரன்சி (Crypto), பழைய வாகனங்கள் வாங்குதல்/விற்றல் அல்லது ஆட்டோமொபைல் துறை, பங்குச்சந்தை ஆகியவற்றில் முதலீடு செய்யலாம்.

முக்கிய குறிப்பு: பேராசைப்பட்டு பங்குச்சந்தையில் அதிகப் பணத்தை இழக்க வாய்ப்புள்ளது. நிதானமும், நிபுணர்களின் ஆலோசனையும் அவசியம்.

மூல எண் 5 (பிறந்த தேதிகள்: 5, 14, 23)

மூல எண் 5-ல் பிறந்தவர்களை புதன் பகவான் ஆட்சி செய்கிறார். இவர்களது குணம் - வியாபார புத்தி, தகவல் தொடர்பு, வேகமான முடிவுகள். இவர்கள் பங்குச்சந்தை (Stock Market) மற்றும் கமாடிட்டி (Commodity trading), வர்த்தக ரீதியான ரியல் எஸ்டேட் (Commercial Real Estate), விளம்பரம், ஆன்லைன் வணிகம் (E-commerce), மற்றும் லாஜிஸ்டிக்ஸ் ஆகியவற்றில் முதலீடு செய்யலாம்.

முக்கிய குறிப்பு: எண்களோடு விளையாடுவதில் இவர்கள் கெட்டிக்காரர்கள் என்பதால் எண்கள் தொடர்பான தொழில்கள் இவர்களுக்குப் லாபத்தைக் கொடுக்கும்.

மூல எண் 6 (பிறந்த தேதிகள்: 6, 15, 24)

மூல எண் 6-ல் பிறந்தவர்களை சுக்கிர பகவான் ஆட்சி செய்கிறார். இவர்களது குணம் - ஆடம்பரம், கலைநயம், அழகுணர்வு. இவர்கள் சொகுசு அடுக்குமாடி குடியிருப்புகள் (Luxury Real Estate), ஆடை, ஆபரணங்கள், அழகு சாதனப் பொருட்கள் (Cosmetics) மற்றும் ஹோட்டல் துறை, பொழுதுபோக்கு மற்றும் வடிவமைப்பு (Interior Designing) சார்ந்த தொழில்கள் ஆகியவற்றில் முதலீடு செய்யலாம்.

முக்கிய குறிப்பு: பெண்களைக் கவரும் மற்றும் ஆடம்பரப் பொருட்கள் சார்ந்த முதலீடுகள் இவர்களுக்கு அசுர வளர்ச்சியைத் தரும்.

மூல எண் 7 (பிறந்த தேதிகள்: 7, 16, 25)

மூல எண் 7-ல் பிறந்தவர்களை கேது பகவான் ஆட்சி செய்கிறார். இவர்களது குணம் - ஆராய்ச்சி மனப்பான்மை, ஆன்மீகம், தனிமை. இவர்கள் மருந்து உற்பத்தி (Pharmaceuticals) மற்றும் மருத்துவக் காப்பீடுகள், ஆன்மீகப் பொருட்கள், யோகா, மற்றும் இயற்கை மருத்துவம் சார்ந்த துறைகள், நிலத்தடி பொருட்கள் மற்றும் சுரங்கத்துறை ஆகியவற்றில் முதலீடு செய்யலாம்.

முக்கிய குறிப்பு: குறுக்கு வழி முதலீடுகளை முற்றிலும் தவிர்க்க வேண்டும். நீண்ட கால அரசு திட்டங்கள் இவர்களுக்கு நல்லது.

மூல எண் 8 (பிறந்த தேதிகள்: 8, 17, 26)

மூல எண் 8-ல் பிறந்தவர்களை சனி பகவான் ஆட்சி செய்கிறார். இவர்களது குணம் - கடின உழைப்பு, பொறுமை, தாமதமான வெற்றி. இவர்கள் ரியல் எஸ்டேட், நிலம், மற்றும் கட்டுமானத் தொழில் (Construction/Infrastructure), இரும்பு, எஃகு, எண்ணெய் (Oil & Gas), மற்றும் கனரக வாகனங்கள், நீண்ட கால முதலீடுகள் (Long-term Stocks/Property) ஆகியவற்றில் முதலீடு செய்யலாம்.

முக்கிய குறிப்பு: இவர்களுக்கு ஆரம்பத்தில் லாபம் மெதுவாக இருந்தாலும், நீண்ட காலத்தில் அது பல மடங்கு பெருகும். குறுகிய கால முதலீடுகளைத் தவிர்க்கவும்.

மூல எண் 9 (பிறந்த தேதிகள்: 9, 18, 27)

மூல எண் 9-ல் பிறந்தவர்களை செவ்வாய் பகவான் ஆட்சி செய்கிறார். இவர்களது குணம் - வேகம், ஆக்ரோஷம், பாதுகாப்பு உணர்வு. இவர்கள் நிலம் வாங்குதல் (விவசாய நிலம் அல்லது வீட்டு மனை), பாதுகாப்பு உபகரணங்கள் (Security Systems) மற்றும் ஆயுத உற்பத்தி சார்ந்த துறைகள், விளையாட்டு, உடற்பயிற்சி கூடங்கள் (Gym), மற்றும் மருந்துப் பொருட்கள் ஆகியவற்றில் முதலீடு செய்யலாம்.

முக்கிய குறிப்பு: அவசரப்பட்டு அல்லது உணர்ச்சிவசப்பட்டு முதலீட்டு முடிவுகளை எடுக்கக் கூடாது. 

முக்கிய குறிப்பு

எண் கணிதம் என்பது உங்களுக்கு சாதகமான துறைகளை வழிகாட்ட மட்டுமே உதவும். எந்தவொரு முதலீட்டிலும் இறங்குவதற்கு முன், சந்தை நிலவரத்தை ஆராய்ந்து, முறையான நிதி ஆலோசகரின் ஆலோசனையைப் பெறுவது எப்போதும் நல்லது.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)