குரு புஷ்ய யோகம் 2026: ஜூன் 18 முதல் இந்த 3 ராசிகளும் ராஜா வீட்டு கன்றுக்குட்டி.. பொற்காலம் ஆரம்பம்!

Guru Pushya Yogam 2026: குரு புஷ்ய யோகத்தால் ஜூன் 18ஆம் தேதி முதல் 3 ராசிகளுக்கு அதிர்ஷ்ட மழை பொழியபோகிறது. இவை என்னென்ன ராசிகள்? பலன்கள் என்ன? என்பது குறித்து விரிவாக பார்ப்போம்.

குரு புஷ்ய யோகம் 2026

ஜோதிட சாஸ்திரத்தில் சுப கிரகமாக விளங்கக்கூடிய குரு பகவான், இன்னும் சில நாட்களில் தனது நட்சத்திரப் பாதையை மாற்றவிருக்கிறார். வரும் ஜூன் 18 முதல் ஆகஸ்ட் 18 வரை குரு பகவான், சனியின் ஆதிக்கம்பெற்ற பூசம் நட்சத்திரத்தில் சஞ்சரிக்கப் போகிறார்.

குருவும் பூச நட்சத்திரமும் இணையும் இந்த அற்புதமான காலக்கட்டம் 'குரு புஷ்ய யோகம்' என்று அழைக்கப்படுகிறது. தற்போது கடக ராசியில் (புனர்பூசம் நட்சத்திரம்) பயணிக்கும் குரு, ஜூன் 18-ல் பூசம் நட்சத்திரத்திற்குள் நுழைகிறார். வரும் அக்டோபர் 31, 2026 வரை குரு பகவான் கடக ராசியில் நீடித்து, அதன் பின்னரே சிம்ம ராசிக்கு இடப்பெயர்ச்சி அடைவார்.

இந்த இடைப்பட்ட காலத்தில், குறிப்பாக 3 ராசிக்காரர்களின் வாழ்வில் செல்வ வளம் பெருகி, தலைவிதியே மாறப்போகிறது. அந்த அதிர்ஷ்ட ராசிகள் யாரென்றும், அவர்கள் செய்ய வேண்டிய எளிய பரிகாரங்களையும் பார்ப்போம்.

கடகம்

கடக ராசி நேயர்களுக்கு இந்த குரு புஷ்ய யோகம் அனைத்து வழிகளிலும் அமோகமான நன்மைகளை அள்ளித்தரப் போகிறது.

பொருளாதாரம்: நீண்ட நாட்களாக வராமல் முடங்கிக் கிடந்த பணம் மற்றும் கடன்கள் எதிர்பாராத விதமாக கைக்கு வந்து சேரும். புதிய முதலீடுகள் மூலம் இரட்டிப்பு லாபம் காண்பீர்கள்.

வேலை: உத்தியோகத்தில் இருப்பவர்களுக்குப் பதவி உயர்வும், சம்பள உயர்வும் கிடைக்கப் பிரகாசமான வாய்ப்புள்ளது. குடும்பத்தில் இருந்த மனக்கசப்புகள் நீங்கி, ஒற்றுமை பலப்படும்.

மனநிலை: ஆன்மீகக் காரியங்களில் ஈடுபாடு அதிகரிக்கும். காதல் ஜோடிகளுக்குத் திருமணக் கனவுகள் நனவாகும் சுப செய்திகள் தேடி வரும்.

பரிகாரம்: வியாழக்கிழமைகளில் தட்சிணாமூர்த்திக்கு மஞ்சள் நிற மலர்களால் அர்ச்சனை செய்து, கொண்டைக்கடலை மாலை சாற்றி வழிபடுவது அதிர்ஷ்டத்தை இரட்டிப்பாக்கும்.

கன்னி

கன்னி ராசிக்காரர்களின் இல்லங்களில் நிலவி வந்த மங்களகரமான சூழல், இந்த நட்சத்திர மாற்றத்தால் மேலும் சிறப்படையும்.

மன அமைதி: குடும்பத்தினருடன் தரமான நேரத்தைச் செலவிடும் வாய்ப்பு அமையும். இதனால் நீண்ட நாள் மனஅழுத்தம் நீங்கி, புத்துணர்ச்சி பெறுவீர்கள்.

ஆளுமை: உங்களின் சுயநம்பிக்கை முன்பை விட பல மடங்கு அதிகரிக்கும். சவாலான காரியங்களையும் எளிதில் செய்து முடிப்பீர்கள்.

ஆரோக்கியம்: இந்த யோக காலத்தில் ஆரோக்கியத்தில் மட்டும் சற்று கூடுதல் கவனம் தேவை. சரியான நேரத்திற்கு உணவு உண்பதும், ஆரோக்கியமான வாழ்வியலை மேற்கொள்வதும் உடலைக் காக்கும்.

பரிகாரம்: புதன்கிழமைகளில் பெருமாள் கோவிலுக்குச் சென்று நெய் தீபம் ஏற்றி வழிபடுவதும், பசு மாட்டிற்கு அருகம்புல் கொடுப்பதும் நற்பலன்களைத் தரும்.

தனுசு

தனுசு ராசி நேயர்களுக்கு இந்த குரு பெயர்ச்சி காலம் பொற்காலமாக அமையப் போகிறது.

பணவரவு: புதிய வருமான வாய்ப்புகள் தட்டாமல் தேடி வரும். நீங்கள் செய்யும் முதலீடுகள் மற்றும் தொழிலில் அசுர வளர்ச்சி இருக்கும்.

வேலைவாய்ப்பு: புதிய வேலை தேடிக் கொண்டிருப்பவர்களுக்கு, அவர்கள் எதிர்பார்த்ததை விட நல்ல நிறுவனத்தில் இருந்து உயரிய பொறுப்புகளுடன் கூடிய வேலை கிடைக்கும்.

நேர்மறை ஆற்றல்: சுறுசுறுப்புடன் செயல்படுவீர்கள். உங்களைச் சுற்றி எப்போதும் நேர்மறை எண்ணங்கள் நிறைந்திருக்கும்.

பரிகாரம்: வியாழக்கிழமைகளில் குரு பகவானை நினைத்து மஞ்சள் நிற ஆடை அல்லது கைகுட்டையைப் பயன்படுத்துங்கள். வசதி குறைந்த மாணவர்களின் கல்விக்கு உங்களால் இயன்ற உதவியைச் செய்வது குருவின் அருளை முழுமையாகப் பெற்றுத்தரும்.

பொறுப்பு துறப்பு: இந்தக் கட்டுரையில் உள்ள தகவல்கள், மத நூல்கள், அறிஞர்கள் மற்றும் ஜோதிடர்களிடமிருந்து பெறப்பட்டவை. இந்தத் தகவல்களை உங்களிடம் கொண்டு சேர்ப்பது மட்டுமே எங்கள் நோக்கம். வாசகர்கள் இதை ஒரு தகவலாக மட்டுமே கருத வேண்டும்.