₹2.6 லட்சம் வரை சம்பளம்! டிகிரி, டிப்ளமோ படித்தவர்களுக்கு சூரிய சக்தி துறையில் ஜாக்பாட் வேலைகள்! உடனே அப்ளை பண்ணுங்க!

Solar Energy Corporation of India Recruitment 2025  இந்திய சூரிய ஆற்றல் கழகத்தில் (SECI) மேலாளர், Supervisor உட்பட 22 மத்திய அரசு வேலைவாய்ப்புகள் அறிவிப்பு. B.E/B.Tech, டிப்ளமோ முடித்தவர்கள் விண்ணப்பிக்கலாம். சம்பளம் ₹2.6 லட்சம் வரை.

இந்தியாவின் புதுப்பிக்கத்தக்க எரிசக்தித் துறையின் வளர்ச்சியில் முக்கியப் பங்காற்றும் இந்திய சூரிய ஆற்றல் கழகம் லிமிடெட் (Solar Energy Corporation of India Limited - SECI), தற்போது புதிய வேலைவாய்ப்பு அறிவிப்பை வெளியிட்டுள்ளது. மொத்தம் 22 காலிப் பணியிடங்களை நிரப்பத் தகுதியான நபர்களிடமிருந்து விண்ணப்பங்கள் வரவேற்கப்படுகின்றன. இந்த மத்திய அரசு வேலைக்கு 24.10.2025 ஆம் தேதிக்குள் விண்ணப்பிப்பது அவசியம். இந்தப் பதவிகளுக்குத் தேர்வாகும் நபர்களுக்குப் பதவிக்கு ஏற்ப மாதம் ₹22,000 முதல் ₹2,60,000 வரை சம்பளம் வழங்கப்படும்.

உயர் அதிகாரப் பதவிகளும், கல்வித் தகுதியும்

SECI வெளியிட்டுள்ள இந்த அறிவிப்பில், பல உயர் அதிகாரப் பதவிகள் (Executive Level) உள்ளன. இந்த அனைத்துப் பதவிகளுக்கும் அடிப்படை கல்வித் தகுதியாக B.E/B.Tech பொறியியல் பட்டம் நிர்ணயிக்கப்பட்டுள்ளது.

• Additional General Manager (1 காலியிடம்): மாதம் ₹1,00,000 – ₹2,60,000/- வரை சம்பளம். வயது வரம்பு: 48.

• Deputy General Manager (1 காலியிடம்): மாதம் ₹90,000 – ₹2,40,000/- வரை சம்பளம். வயது வரம்பு: 40.

• Manager (2 காலியிடங்கள்): மாதம் ₹70,000 – ₹2,00,000/- வரை சம்பளம். வயது வரம்பு: 40.

• Deputy Manager (10 காலியிடங்கள்): மாதம் ₹60,000 – ₹1,80,000/- வரை சம்பளம். வயது வரம்பு: 35.

• Senior Engineer (5 காலியிடங்கள்): மாதம் ₹50,000 – ₹1,60,000/- வரை சம்பளம். வயது வரம்பு: 28.

டிப்ளமோ, ஐ.டி.ஐ படித்தவர்களுக்கான Supervisor பணி

பொறியியல் பட்டம் இல்லாத, ஆனால் தொழில்முறைத் தகுதி கொண்ட இளைஞர்களுக்கு ஒரு சிறந்த வாய்ப்பாக Junior Foreman/ Supervisor பதவி அறிவிக்கப்பட்டுள்ளது. மொத்தம் 3 காலியிடங்கள் உள்ளன. இதற்கு மாதம் ₹22,000 முதல் ₹80,000 வரை சம்பளம் வழங்கப்படுகிறது. இந்தப் பணிக்கு B.E/B.Tech, டிப்ளமோ (Diploma), அல்லது ஐ.டி.ஐ (ITI) முடித்தவர்கள் விண்ணப்பிக்கலாம். வயது வரம்பு 28-க்கு மேற்படாமல் இருக்க வேண்டும். SC/ST/OBC பிரிவினருக்கு மத்திய அரசின் விதிகளின்படி வயது தளர்வுகளும் உண்டு.

விண்ணப்பக் கட்டணம் மற்றும் தேர்வு முறை

உயர் அதிகாரப் பதவிகளுக்கு (Junior Foreman/Supervisor தவிர) பொதுப் பிரிவினர் ₹1,000/- விண்ணப்பக் கட்டணமாக செலுத்த வேண்டும். Junior Foreman/Supervisor பதவிக்கு ₹600/- கட்டணம் செலுத்த வேண்டும். இருப்பினும், SC/ST/Ex-servicemen/PwBD பிரிவினருக்கு எந்தவிதக் கட்டணமும் கிடையாது. விண்ணப்பதாரர்கள் Screening Test/Written Test மற்றும் Trade Test/Skill Test மூலம் தேர்ந்தெடுக்கப்படுவார்கள். ஆர்வமும் தகுதியும் உள்ள விண்ணப்பதாரர்கள் SECI-யின் அதிகாரப்பூர்வ இணையதளமான www.seci.co.in மூலம் 24.10.2025 ஆம் தேதிக்குள் ஆன்லைனில் விண்ணப்பிக்கலாம்.