தீபாவளியில் நடக்கப்போகும் சர்ப்ரைஸ்.. தங்கத்தின் மீது முதலீடு எப்போது செய்ய வேண்டும்?

சமீபத்திய தங்க விலை உயர்வைத் தொடர்ந்து, தீபாவளிக்குள் 10 கிராம் 24 கேரட் தங்கம் ரூ.1.25 லட்சத்தை எட்டும் என நிபுணர்கள் கணிக்கின்றனர்.

சமீபகாலமாக தங்க விலை அதிகரித்து வருகிறது. பல நிபுணர்கள், தீபாவளிக்குள் 10 கிராம் 24 கேரட் தங்கம் ரூ.1.25 லட்சத்தை கடக்கும் என கணிக்கிறார்கள். தற்போது தங்க விலை சுமார் ரூ.1,09,700 ஆக உள்ளது. 

உலக சந்தையில் டாலர் பலவீனமடைந்ததால் தங்க விலை உயர்ந்துள்ளது. ஆனால், டாலர் மீண்டும் பலம் பெற்றால், தங்கத்தின் தேவை குறைந்து விலை வீழ்ச்சி அடையலாம். மத்திய அமெரிக்க வங்கி (ஃபெடரல் ரிசர்வ்) வட்டி விகிதத்தை குறைக்கும் என எதிர்பார்க்கப்படுகிறது. 

குறைக்காவிட்டால் அல்லது குறைப்பு தாமதமானால் தங்க விலை பாதிக்கப்படும். ஏனெனில் குறைந்த வட்டி விகிதம் முதலீட்டாளர்களை ஈர்க்கும். இந்தியாவில் ரூபாய் வலுவடைந்தால், தங்க இறக்குமதி செலவு குறையும். இதனால் தங்க விலையும் குறையும் வாய்ப்பு உண்டு. 

தற்போது ரூபாய் பலவீனமாக இருப்பதால் விலை உயர்ந்துள்ளது. மேலும், இஸ்ரேல்-காசா மற்றும் ரஷ்யா-உக்ரைன் போர் போன்ற உலகளாவிய பதற்றம் தங்கத்தை பாதுகாப்பான முதலீடாக மாற்றியுள்ளது. 

ஆனால், இந்த பதற்றங்கள் குறைந்தால் முதலீட்டாளர்கள் தங்கத்தை விட்டு விலகலாம். மேலும், தீபாவளி காலத்தில் மக்கள் வாங்கும் ஆர்வம் குறைந்தால் விலை நிலையாகவோ அல்லது குறைவாகவோ இருக்கலாம்.