அடுத்தடுத்து அதிர்ச்சி கொடுக்கும் அம்பானி.! ரீசார்ஜ் கட்டணத்தை ரூ.90 உயர்த்திய Jio.!

ஜியோ தனது வாடிக்கையாளர்களுக்கு மீண்டும் ஒரு அதிர்ச்சியை அளித்துள்ளது. அதன் மலிவு திட்டங்களில் ஒன்றை ஜியோ நிறுத்தியுள்ளது. அந்த திட்டம் எது, அதற்கு பதிலாக வாடிக்கையாளர்கள் எந்த திட்டத்தை வாங்கலாம் என்பது குறித்த தகவல் இங்கே. 

மலிவு திட்டங்களை வழங்கி கோடிக்கணக்கான வாடிக்கையாளர்களை ஈர்த்த ஜியோ (Jio), தற்போது வாடிக்கையாளர்களுக்கு அடுத்தடுத்து அதிர்ச்சி அளித்து வருகிறது. ஜியோ திட்டங்கள் விரைவில் விலை உயரும் என்ற செய்திக்குப் பிறகு, ஜியோ மலிவு திட்டங்களை நிறுத்தி வருகிறது. சில நாட்களுக்கு முன்பு, ஜியோ தனது 1GB தினசரி டேட்டாவுடன் கூடிய ஆரம்ப நிலை ப்ரீபெய்ட் திட்டத்தை நிறுத்தியது. தற்போது நிறுவனம் மற்றொரு திட்டத்தை நிறுத்தியுள்ளது.

ஜியோவின் இந்த மலிவு திட்டம் நிறுத்தம் : ஜியோ ரூ.799 திட்டம் நிறுத்தப்பட்டுள்ளது. இந்த திட்டத்தில், வாடிக்கையாளர்களுக்கு தினமும் 1.5GB டேட்டா வழங்கப்பட்டது. இந்த திட்டம் 84 நாட்கள் வேலிடிட்டியைக் கொண்டிருந்தது. இது தவிர, இந்த திட்டத்தில் தினமும் வரம்பற்ற அழைப்புகள் மற்றும் 100 இலவச எஸ்எம்எஸ் (SMS) வசதியும் வாடிக்கையாளர்களுக்கு வழங்கப்பட்டது. இந்த திட்டத்தை ரீசார்ஜ் செய்த வாடிக்கையாளர்கள் JioSaavn Pro இன் இலவச சந்தாவைப் பெற்றனர்.

ஜியோவின் இந்த திட்டம் நிறுவனத்தின் அதிகாரப்பூர்வ இணையதளத்தில் இருந்து நீக்கப்பட்டுள்ளது. 1.5GB தினசரி டேட்டா கொண்ட திட்டங்களின் பட்டியலில் இந்த திட்டம் உங்களுக்குக் கிடைக்காது. உங்களுக்கு தினமும் 1.5 ஜிபி டேட்டா தேவைப்பட்டால், நீங்கள் கூடுதல் பணம் செலுத்த வேண்டும். நீண்ட கால வேலிடிட்டியுடன் தினமும் 1.5GB டேட்டாவைப் பெற, நீங்கள் ரூ.889 திட்டத்தை வாங்க வேண்டும். ஜியோவில் ரூ.889க்கும் குறைவான விலையில் ஒரு திட்டம் உள்ளது. நீங்கள் ரூ.666 திட்டத்தை வாங்கலாம். ஆனால் அதன் வேலிடிட்டி குறைவு. அதிக டேட்டா மற்றும் வேலிடிட்டிக்கு, நீங்கள் ரூ.889 அல்லது அதற்கு மேற்பட்ட விலையில் உள்ள திட்டத்தை வாங்க வேண்டியது அவசியம்.

ரூ.889 திட்டத்தில் என்னென்ன கிடைக்கும்? : இந்த திட்டத்தில் உங்களுக்கு 1.5 ஜிபி டேட்டா கிடைக்கும். வரம்பற்ற அழைப்புகள் மற்றும் தினமும் 100 இலவச எஸ்எம்எஸ் இந்த திட்டத்தில் கிடைக்கும். இதன் வேலிடிட்டி 84 நாட்கள். இந்த திட்டத்திலும் நீங்கள் JioSaavn Pro இன் இலவச சந்தாவைப் பெறுவீர்கள். இதனுடன் JioHotstar இன் இலவச சந்தாவும் உங்களுக்குக் கிடைக்கும்.

ரூ.666 திட்டத்தில் என்னென்ன கிடைக்கும்? : நீங்கள் ஜியோவின் ரூ.666 திட்டத்தை ரீசார்ஜ் செய்தால், இந்த திட்டத்தில் உங்களுக்கு 1.5 ஜிபி டேட்டா கிடைக்கும். ஆனால் இந்த திட்டத்தின் வேலிடிட்டி 70 நாட்கள் மட்டுமே. இதில் வரம்பற்ற அழைப்புகள் மற்றும் 100 இலவச எஸ்எம்எஸ் வழங்கப்படும். இதில் JioHotstar இன் இலவச சந்தா கிடைக்கும். 1.5 ஜிபி டேட்டா திட்டத்தை விரும்பும் வாடிக்கையாளர்களுக்கு ஜியோவில் இன்னும் பல திட்டங்கள் உள்ளன. ஆனால் அவற்றின் விலை அதிகம். ஜியோவைத் தொடர்ந்து ஏர்டெல் மற்றும் வோடபோன் ஐடியாவும் தங்கள் திட்டங்களை நிறுத்த வாய்ப்புள்ளது.