TCS, Infosys, HCL மொத்த மதிப்பை முந்திய Oracle.. உலகமே வியந்து பார்ப்பதற்கு காரணம் என்ன?

ஆரக்கிளின் பங்குகள் 244 பில்லியன் டாலராக உயர்ந்தது. இது இந்தியாவின் முன்னணி ஐடி நிறுவனங்களின் கூட்டு மதிப்புடன் பொருந்துகிறது.

அமெரிக்க தொழில்நுட்ப நிறுவனம் ஆன ஆரக்கிள் (Oracle) தற்போது உலகமெங்கும் பேசுபொருளாக மாறியுள்ளது. ஒரே நாளில் $244 பில்லியன் (சுமார் ₹20 லட்சம் கோடி) மதிப்பில் அதன் பங்குகள் உயர்ந்தன. இது இந்தியாவின் மூன்று பெரிய ஐடி நிறுவனங்களான TCS, Infosys, HCL Tech இவற்றின் மொத்த சந்தை மதிப்பிற்கு சமமானது ஆச்சரியம் ஆகும்.

இந்த அபாரமான பங்கு உயர்வு, Oracle நிறுவனத்தின் இணை நிறுவனர் லாரி எலிசன்-க்கு, உலகின் பணக்காரர் பட்டத்தை ஒரு சிறு நேரத்துக்கு எலான் மஸ்க்-கிடமிருந்து பறிக்க உதவியது. பங்குகள் ஏறியதன் மூலம் அவரின் சொத்து மதிப்பு திடீரென அதிகரித்தது.

ஆரக்கிள் பங்குகள், புதன்கிழமை அமெரிக்க சந்தையில் 36% உயர்வுடன் முடிவடைந்தது. இதனால், அதன் மொத்த சந்தை மதிப்பு $922 பில்லியன்-ஐ எட்டியது. ஒரே நாளில் இவ்வளவு பெரிய அளவில் வளர்ச்சி கண்டது தொழில்நுட்ப வரலாற்றில் அரிதானது.

இந்த பங்கு உயர்வுக்கு காரணம், ஆரக்கிள் நிறுவனம் தனது கிளவுட் இன்ஃப்ராஸ்ட்ராக்சர் வியாபாரத்தில் பெரும் வளர்ச்சி எதிர்பார்ப்பதாக அறிவித்ததுதான். 2025ஆம் நிதியாண்டில் $10.3 பில்லியன் வருவாய், 2030க்குள் $144 பில்லியன் ஆக உயரும் என்று கணக்கிடப்பட்டுள்ளது.

கிளவுட் சேவைத் துறையில் ஆரக்கிள், ஏற்கனவே Amazon, Microsoft போன்ற முன்னணி நிறுவனங்களுடன் போட்டியிடுகிறது. இப்போது பல மடங்கு வளர்க்கும் திட்டங்கள், முதலீட்டாளர்களுக்கு மிகுந்த நம்பிக்கையை ஏற்படுத்தியுள்ளன.

மொத்தத்தில், ஒரே நாளில் $244 பில்லியன் உயர்வு என்பது, ஒரு நாட்டின் ஐடி மாபெரும் நிறுவனங்களின் மொத்த மதிப்பிற்கு இணையான சாதனை. இதன் மூலம் Oracle, தனது வலிமையை உலக சந்தையில் மீண்டும் நிரூபித்துள்ளது.