Chanakya Niti: உங்களை பார்த்து பொறாமைப்படுபவர்கள் அருகில் இருக்கிறார்களா? இந்த 3 அறிகுறியை பாருங்க!

நமது வளர்ச்சியைப் பார்த்து சந்தோஷப்படுபவர்கள் ஒரு பக்கம் இருந்தாலும், உள்ளுக்குள்ளே வயித்தெரிச்சல் படுபவர்கள் நிறைய பேர் இருப்பார்கள். இவர்களை எப்படி கண்டுபிடிப்பது? இதைப் பற்றி சாணக்கிய நீதி என்ன சொல்கிறது என்று பார்க்கலாம்.

நமது வெற்றியைப் பார்த்து சந்தோஷப்படுபவர்களை விட, பொறாமைப்படுபவர்கள் தான் அதிகம் இருப்பார்கள். நேரில் புகழ்ந்தாலும், பின்னாடியில் தவறாக பேசுவார்கள். முக்கியமாக நாம் வாழ்க்கையில் முன்னுக்கு வரும்போது, இவர்களுடைய நடவடிக்கையில் சில மாற்றங்கள் நன்றாகவே தெரியும். உங்கள் மீது பொறாமை இருக்கிறவர்கள் எப்படி நடந்து கொள்வார்கள் என்று சாணக்கியர் என்ன சொல்கிறார் என்று தெரிந்து கொள்ளலாம்.

தேவைப்படும்போது உதவாமல் தடுப்பது

நமது சந்தோஷத்தில் கலந்து கொள்பவர்களை எளிதில் கண்டுபிடித்து விடலாம். ஆனால், கஷ்டம் வரும்போது யார் உண்மையாக கூட நிற்கிறார்கள் என்று தெரிந்து கொள்வது ரொம்ப கஷ்டம். பொறாமை பிடித்தவர்கள் உங்களுக்கு தேவையான தகவலை சொல்ல மாட்டார்கள், உங்கள் வாய்ப்புகளை கெடுப்பார்கள், இல்லையென்றால் நீங்கள் முன்னேற விடாமல் மனதை உடைக்கிற மாதிரி பேசுவார்கள். ஆனால், எதிர்மறையாக பேசுபவர்கள் எல்லாமே பொறாமை என்று சொல்ல முடியாது. சில நேரங்களில் உண்மையான ஆபத்தை உணர்த்தி எச்சரிக்கிறவர்களும் இருப்பார்கள். அதனால், அவர்கள் பேச்சை விட, அவர்களுடைய நோக்கத்தையும் பழைய நடவடிக்கைகளையும் கவனிப்பது ரொம்ப முக்கியம்.

மற்றவர்களிடம் உங்களைப் பற்றி தவறாக பேசுவது

நமக்கு முன்னாடி ஒரு மாதிரியும், நாம் இல்லாதபோது வேற மாதிரியும் நடந்து கொள்பவர்களை நாம் நிறைய பார்த்திருப்போம். பொறாமை இருக்கிறவர்கள் உங்களிடம் இருக்கிற குறைகளை மட்டும் மற்றவர்களிடம் சொல்வார்கள். உங்கள் வெற்றியைப் பற்றி சந்தேகத்தை கிளப்புவார்கள், இல்லையென்றால் உங்களைப் பற்றி தவறான அபிப்பிராயம் வரும் மாதிரி பேசுவார்கள். முக்கியமாக நீங்கள் சமுதாயத்தில், வேலையில் இல்லையென்றால் பிசினஸில் வளரும்போது இவர்களுடைய நடவடிக்கை பெரிய பிரச்சினைகளை உருவாக்கும். ஆனால், யாரோ உங்களைப் பற்றி தவறாக பேசுகிறார்கள் என்று கேள்விப்பட்ட உடனே அவர்களை எதிரி என்று முடிவு பண்ணிடக் கூடாது. அந்த தகவல் உண்மையா இல்லையா என்று சோதித்து, நிலமையை முழுமையாக புரிந்து கொள்வது தான் நல்லது.

உங்கள் வெற்றியை குறைத்து மதிப்பிடுவது

நீங்கள் ஏதாவது சாதிக்கும்போது உண்மையாக சந்தோஷப்படுபவர்கள், உங்கள் கஷ்டத்தை புரிந்து கொண்டு பாராட்டுவார்கள். ஆனால், வயித்தெரிச்சல் படுபவர்கள் உங்கள் வெற்றிக்கு மதிப்பே இல்லாத மாதிரி பேசுவார்கள். நீங்கள் பட்ட கஷ்டத்தை மதிக்காமல், இது அதிர்ஷ்டத்தால் கிடைத்தது என்றோ அல்லது மற்றவர்கள் செய்த உதவிதான் என்றோ சொல்வார்கள். இப்படி பேசுவது மூலமாக, உங்கள் வெற்றி மீது உங்களுக்கு இருக்கிற சந்தோஷத்தை குறைப்பதற்கு முயற்சி பண்ணுவார்கள்.

இப்படி செய்வது நல்லது

நமது வாழ்க்கையில் பொறாமையை முழுமையாக தடுக்க முடியாது. ஆனால், அதற்கு எப்படி ரியாக்ட் பண்ண வேண்டும் என்பது நம்முடைய கையில் தான் இருக்கிறது. நம்மளைப் பற்றி யார் என்ன நினைப்பார்கள் என்று கவலைப்படுவதை விட்டுவிட்டு, நம்மது இலக்கு மீது கவனம் செலுத்துவது தான் நல்லது. யாராவது நம்ம மீது பொறாமைப்படுகிறார்கள் என்று தோன்றினால் அவர்களிடம் தேவையில்லாமல் சண்டை போடுவதை விட, கொஞ்சம் தள்ளி இருப்பது தான் புத்திசாலித்தனம். ஒரு வரம்பு வைத்து பழகுவது எப்பவுமே நல்லது.