பல வருடங்களுக்கு பின் ரஜினியுடன் கை கோர்க்கும் நடிகர்! பட் இது வேற லெவல் காம்போ? சம்பவம் செய்ய போகும் லோகி!
தலைவர் 171-ஆவது படத்தில், சூப்பர் ஸ்டார் ரஜினிகாந்துடன் கை கோர்க்க உள்ள நடிகர் பற்றிய தகவல் தற்போது வெளியாகியுள்ளது.
சூப்பர் ஸ்டார் ரஜினிகாந்த் ஜெயிலர் படத்தின் வெற்றியை தொடர்ந்து, தற்போது இயக்குனர் டிஜே ஞானவேல் இயக்கத்தில், வேட்டையன் என்கிற படத்தில் நடித்து வருகிறார். கூடிய விரைவில் இப்படத்தின் படப்பிடிப்பு நிறைவடைய உள்ள நிலையில், இப்படத்தை தொடர்ந்து... இயக்குனர் லோகேஷ் கனகராஜ் இயக்கத்தில் தன்னுடைய 171-ஆவது படத்தை நடிக்க உள்ளார்.
இப்படத்தின் ஆரம்பகட்ட பணிகள் துவங்கியுள்ள நிலையில், விரைவில் படப்பிடிப்பு துவங்க உள்ளதாக கூறப்படுகிறது. சன் பிச்சர்ஸ் நிறுவனம் தயாரிப்பில் உருவாகும் இந்த படத்தின் டைட்டில் போட்டார் நாளை மறுநாள் வெளியாக உள்ள நிலையில், இன்று இப்படத்தில் நடிக்க உள்ள முக்கியமான நடிகர் பற்றிய தகவல் வெளியாகியுள்ளது.
இந்த படத்தில் நீண்ட இடைவெளிக்கு பின்னர் வெயிட்டான ரோலில் நடிகர் சத்யராஜ் நடிக்க உள்ளதாக கூறப்படுகிறது. மிஸ்டர் பாரத் படத்தில் எப்படி ரஜினி - சத்யராஜ் கம்போ மிகப்பெரிய அளவில் பேசப்பட்டதோ அதே போல் இந்த காம்போவும் பேசும் விதத்தில் இருக்கும் என தகவல் வெளியாகிறது. எனவே இப்படத்தின் மீதான எதிர்பார்ப்பு ரசிகர்களுக்கு அதிகரித்துள்ளது.
மேலும் நடிகர் கமல்ஹாசன் மகள் ஸ்ருதி ஹாசனும் இப்படத்தில் ஒரு முக்கிய கதாபாத்திரத்தில் நடிக்க உள்ளார். இவர்களை தவிர தெலுங்கு முன்னணி நடிகரான நாகர்ஜூனாவை இப்படத்தில் நடிக்க வைக்க பேச்சுவார்த்தை நடந்து வருவதாகவும் கூறப்படுகிறது.
சேனலை கிளிக் செய்து பின்தொடரவும்
