மளமளவென உயர்ந்த டிஆர்பி ரேட்டிங்... முதலிடம் பிடித்த கார்த்திகை தீபம் - இந்த வார டாப் 5 சீரியல் லிஸ்ட் இதோ

தமிழ் சின்னத்திரையில் பிரபலமான தொலைக்காட்சி சேனல்களில் ஒன்றாக ஜீ தமிழ் இருந்து வருகிறது. இந்த சேனலில் ஒளிபரப்பாகும் சீரியல்கள் ரசிகர்கள் மத்தியில் தொடர்ந்து நல்ல வரவேற்பை பெற்று வருகின்றன, ஒவ்வொரு வாரமும் ப்ரைம் டைம் சீரியல்கள் ரேட்டிங்கில் கணிசமான முன்னற்றத்தை சந்தித்து வருகிறது. 

அந்த வகையில் இன்று வியாழக் கிழமை என்பதால் பார்க் நிறுவனம் டிவி சேனல்களின் ரேட்டிங் நிலவரங்களை வெளியிட்டுள்ளது, அதன்படி ஜீ தமிழின் டாப் 5 சீரியல்கள் என்னென்ன என்பது குறித்து பார்க்கலாம் வாங்க. உயிரோடு புதைக்கப்பட்ட அபிராமி, கார்த்தியின் சவால் என எதிர்பாராத திருப்பங்களுடன் ஒளிப்பரப்பாகிய கார்த்திகை தீபம் சீரியல் 5.11 என்ற ரேட்டிங் புள்ளியுடன் முதலிடத்தை தக்க வைத்து கொண்டுள்ளது. 

சிவராமன் மீது போடப்பட்ட பொய் புகார், ஆதாரம் இல்லாததால் தம்பிக்கே தண்டனை கொடுக்க தயாரான ரகுராம். கடையில் நொடியில் ஆதாரத்துடன் வந்து காப்பாற்றிய மாயா என்று பரபரப்பாக ஒளிபரப்பாகிய சந்தியா ராகம் சீரியல் 4.52 என்ற புள்ளிகளுடன் இரண்டாம் இடத்துக்கு முன்னேறியுள்ளது. 

இதையும் படியுங்கள்... ரத்னம் படத்துக்கு போட்டியாக என்னென்ன படங்கள் ரிலீஸ்... இந்த வார தியேட்டர் மற்றும் ஓடிடி வெளியீடுகள் ஒரு பார்வை

முத்துபாண்டியை விருந்துக்கு கூட்டி வந்து மூத்த மாப்பிள்ளை என வெங்கடேஷை வரவைத்து வெறுப்பேற்றிய ஷண்முகம் என அதிரடி கலாட்டாவாக ஒளிபரப்பாகிய அண்ணா சீரியல் 4.38 என்ற ரேட்டிங்குடன் மூன்றாம் இடத்தை பிடித்துள்ளது. ராணியின் உயிருக்கு வந்த ஆபத்து, தமன்னா வேடத்தில் வந்து புது வில்லியை வதம் செய்த பொம்மி என்று திகில் கதையுடன் ஒளிபரப்பாகிய நினைத்தாலே இனிக்கும் சீரியல் 3.64 என்ற ரேட்டிங்குடன் நான்காம் இடத்தை பிடித்துள்ளது. 

வள்ளியின் வில்லத்தனம், வீராவின் சபதம், அக்காவுக்காக ஆட்டோ டிரைவராக மாறிய கதை என எமோஷனல் டிராமாவாக ஒளிப்பரப்பாகிய வீரா சீரியல் 3.15 என்ற ரேட்டிங்குடன் ஐந்தாம் இடத்தை பிடித்துள்ளது. இதுமட்டுமின்றி மற்ற சீரியல்களும் நல்ல ரேட்டிங்குடன் முன்னேற்றத்தை கண்டுள்ளன என்பது குறிப்பிடத்தக்கது.

இதையும் படியுங்கள்... Tamannaah : காசுக்கு ஆசைப்பட்டு Case-ல் சிக்கிய தமன்னா... விசாரணைக்கு ஆஜராகும்படி மும்பை சைபர் கிரைம் சம்மன்