மகளின் திருமணத்தை குருவாயூர் கோவிலில் சிம்பிளாக நடத்தி முடித்த நடிகர் ஜெயராம் - வைரலாகும் போட்டோஸ்
நடிகர் ஜெயராமின் மகள் மாளவிகா தன்னுடைய நீண்ட நாள் காதலனான நவ்னீத் கிரீஷை கேரளாவில் உள்ள குருவாயூர் கோவிலில் கரம்பிடித்தார்.
Jayaram Daughter Marriage
மலையாள நடிகரான ஜெயராம், தமிழிலும் பல்வேறு சூப்பர்ஹிட் படங்களில் நடித்திருக்கிறார். முறைமாமன் படம் மூலம் தமிழில் அறிமுகமான ஜெயராம், அடுத்தடுத்து கமலுடன் தெனாலி, பஞ்ச தந்திரம் போன்ற வெற்றிப் படங்களில் இணைந்து நடித்துள்ளார்.
Kalidas and malavika jayaram
இதுதவிர விஜய்யுடன் துப்பாக்கி படத்தில் அவர் நடித்த காட்சிகள் இன்றளவும் ரசிகர்களால் கொண்டாடப்பட்டு வருகிறது. அந்த அளவுக்கு இயல்பான நடிப்பை வெளிப்படுத்தி ரசிகர்கள் மனதை கொள்ளைகொண்டுள்ளார் ஜெயராம்.
இதையும் படியுங்கள்... எத்தன கோடி கொடுத்தாலும் விஜய்யுடன் டான்ஸ் ஆட முடியாது... கோட் பட வாய்ப்பை நிராகரித்த பிரபல நடிகை- காரணம் என்ன?
malavika jayaram
நடிகர் ஜெயராமுக்கு மாளவிகா என்கிற மகளும், காளிதாஸ் என்கிற மகனும் உள்ளனர். இதில் ஜெயராமின் மகன் காளிதாஸ் தந்தையை போலவே சினிமாவில் கலக்கி வருகிறார்.
malavika jayaram wedding
இவர் மலையாளம் மட்டுமின்றி தமிழிலும் நடித்து வருகிறார். குறிப்பாக பாவக் கதைகள், விக்ரம் போன்ற படங்களில் காளிதாஸின் நடிப்பு பெரியளவில் பாராட்டுக்களை பெற்றது. தற்போது தனுஷின் இயக்கத்தில் உருவாகி இருக்கும் ராயன் திரைப்படத்திலும் முக்கிய கதாபாத்திரத்தில் நடித்திருக்கிறார் காளிதாஸ்.
இதையும் படியுங்கள்... Good Bad Ugly : அஜித் நடிக்கப்போவது எத்தனை ரோலில் தெரியுமா?ஆதிக் போடும் மாஸ்டர் பிளான் - தீயாய் பரவும் தகவல்!
இதனிடையே கடந்த ஆண்டு நவம்பர் மாதம் காளிதாஸ் ஜெயராமுக்கு திருமணம் நிச்சயமானது. அவர் தன்னுடைய நீண்ட நாள் காதலியான தாரிணியை விரைவில் கரம்பிடிக்க உள்ளார்.
அதற்கு முன்னதாக அவரது தங்கையின் திருமணம் சிம்பிளாக நடந்து முடிந்துள்ளது. காளிதாஸின் தங்கை மாளவிகா, நவனீத் கிரீஷ் என்பவரை காதலித்து வந்தார்.
அவர்களின் காதலுக்கு குடும்பத்தினர் கிரீன் சிக்னல் காட்டியதை அடுத்து கடந்த ஆண்டு மாளவிகாவின் நிச்சயதார்த்தம் நடைபெற்றது. ஏற்கனவே இதுகுறித்த புகைப்படங்கள் சமூக வலைத்தளத்தில் வெளியாகி வைரலானது.
இதை தொடர்ந்து, ஜெயராமின் மகள் மாளவிகாவின் திருமணம் இன்று கேரளாவில் சிம்பிளாக நடந்து முடிந்துள்ளது. கேரளாவில் உள்ள புகழ்பெற்ற குருவாயூர் கோவிலில் நடைபெற்ற மாளவிகாவின் திருமணத்தில் குடும்பத்தினர் மட்டுமே கலந்துகொண்டனர்.
ஜெயராம் மகள் மாளவிகாவின் திருமண புகைப்படங்கள் இணையத்தில் வைரலாகி வரும் நிலையில், அவருக்கு வாழ்த்துக்களும் குவிந்த வண்ணம் உள்ளது. திருமணம் கோவிலில் எளிமையான முறையில் நடந்திருந்தாலும்... ரிசப்ஷன் மலையாள திரையுலகமே வியக்கும் அளவுக்கு பிரமாண்டமாக நடைபெற உள்ளதாக கூறப்படுகிறது.