சந்தியா - பிரிட்டோ:

தவமாய் தவமிருந்து சீரியலில் ரீல் ஜோடியாக நடித்த சந்தியா - பிரிட்டோ நிஜ ஜோடியாக மாறியுள்ளதை தொடர்ந்து இவர்களுக்கு வாழ்த்துக்கள் குவிந்து வருகிறது.

சமீப காலமாகவே சின்னத்திரை பிரபலங்கள் பலர், ஒன்றாக இணைந்து நடிக்கும் போது காதலித்து திருமணம் செய்து கொள்கிறார்கள்.

அந்த வகையில் தற்போது சின்னத்திரை நட்சத்திர ஜோடிகள் லிஸ்டில் இணைந்துள்ளனர் சந்தியா ராமசந்திரன் மற்றும் பிரிட்டோ ஜோடி.

இவர்கள் இருந்தவரும் தற்போது ஜீ தமிழ் சீரியலில் ஒளிபரப்பாகி வரும் தவமாய் தவமிருந்து சீரியலில் கணவன் மனைவியாக நடித்து வருகிறார்கள்.

இந்த சீரியலில் நடித்து கொண்டிருக்கும் போது காதலிக்க துவங்கிய இவர்கள், தற்போது நிஜத்திலும் ஜோடி சேர்த்துள்ளனர்.

இவர்களின், ஹல்தி நிகழ்ச்சி... இந்து முறைப்படி நடந்த நிலையில்... திருமணம் கிறிஸ்தவ முறைப்படி நடந்துள்ளது.

இதில் சின்னத்திரை மற்றும் வெள்ளித்திரை பிரபலங்கள் பலர் கலந்து கொண்டு வாழ்த்தியுள்ளனர்.

அரசியலில் இதெல்லாம் சாதாரணமப்பா நிகழ்ச்சி மூலம் சின்னத்திரையில் அறிமுகமானவர் பிரிட்டோ மனோ.

இதை தொடர்ந்து விஜய் தொலைக்காட்சியில் ஒளிபரப்பான சரவணன் மீனாட்சி, சின்னத்தம்பி ஆகிய தொடர்களில் நடித்துள்ளார்.

சந்தியா ராமசந்திரன் மாடலிங் துறையில் பணியாற்றி வந்த நிலையில், பின்னர் ராஜா ராணி , கோகுலத்தில் சீதை ஆகிய தொடர்களில் நடித்து பின்னர் பிரபலமானார்.

சின்னத்திரையை தொடர்ந்து சனூன், பேய காணோம் போன்ற திரைப்படங்களிலும் நடித்துள்ளார்.

ரீல் ஜோடியாக இருந்து ரியல் ஜோடியாக மாறியுள்ள இவர்களுக்கு... வாழ்த்துக்கள் குவிந்து வருகிறது.