கொசுக்களை விரட்ட சில எளிய வழிகள்

கொஞ்சமாக காபி தூளை எடுத்து, சின்ன சின்ன பாத்திரங்களில் வையுங்கள். அதை வீட்டின் பல பகுதிகளில் திறந்து வைத்தால், காபி தூளின் வாசனை வீட்டில் இருந்து கொசுக்களை விரட்டிவிடும்.

வேப்பிலை கொண்டும் கொசுக்களை விரட்டலாம். வேப்பிலையை போட்டு காய்ச்சிய எண்ணெயை உடலில் தடவினால் போதும். இப்படி செய்தால், கொசுக்கள் உங்களை கடிபப்தை தவிர்க்கலாம்.

பப்பாளி இலையில் இருந்து சாறு எடுங்கள். அந்த சாற்றை, கொசு லார்வாக்கள் இருக்கும் தண்ணீரில் ஊற்றினால் போதும். லார்வாக்கள் அனைத்தும் அழிந்துவிடும்.

கற்பூரத்தை வைத்தும் கொசுக்களை விரட்டலாம். இதற்கு, கற்பூரத்தை ஏற்றி புகை போட்டால் போதும். இது ஓரளவிற்கு கொசுக்களை வீட்டிலிருந்து விரட்ட உதவும்.

துளசி, ரோஸ்மேரி, வேப்பிலை போன்ற செடிகள் கொசுக்களை விரட்டும். இந்தச் செடிகளை வீட்டைச் சுற்றி நட்டு வளர்த்தால் கொசுக்கள் வருவது குறையும்.

பூண்டை நன்றாக நசுக்கி, தண்ணீரில் போட்டு சூடாக்குங்கள். பிறகு அந்த நீரை அறையில் தெளித்தால், கொசுத் தொல்லை நீங்கும்.

ஒரு எலுமிச்சையை பாதியாக வெட்டி, அதில் கிராம்புகளைச் செருகி வையுங்கள். இதை கதவுகள், ஜன்னல்கள் அருகே வைத்தால் கொசுக்கள் உள்ளே வராது.