எலித் தொல்லையை ஒழிக்க 6 எளிய வழிகள்

வீட்டில் எலித் தொல்லை அதிகமாக இருக்கிறதா? கவலை வேண்டாம். இதோ சில எளிய வீட்டுக்குறிப்புகள்.

சின்ன வெங்காயத்தை வீட்டின் மூலைகளில் வைத்தால், எலிகளை விரட்டலாம். சின்ன வெங்காயத்தின் வாசனை எலிகளுக்குப் பிடிக்காது.

பூண்டுப் பற்களைத் தட்டி தண்ணீரில் போட்டு, அந்தத் தண்ணீரை வீடு முழுவதும் தெளிப்பது நல்லது. வீட்டின் நுழைவாயிலில் பூண்டுப் பற்களை வைப்பதும் எலிகளைத் தடுக்கும்.

ஒரு மெல்லிய துணியில் நான்கைந்து கிராம்புகளைப் பொதிந்து, எலிகள் வரும் இடங்களில் வையுங்கள். எலிகள் குழி தோண்டும் இடங்களிலும் இதை வைத்தால், அவை ஓடிவிடும்.

எலிகள் வர வாய்ப்புள்ள இடங்களில் புதினா எண்ணெயைத் தெளிக்கலாம். அல்லது, ஒரு பஞ்சில் இந்த எண்ணெயை நனைத்து வீட்டின் பல மூலைகளிலும் வைக்கலாம்.

பிரிஞ்சி இலை எலிகளை விரட்ட பெரிதும் உதவும். இதை எலிகள் சாப்பிட்டால், அவற்றுக்கு உடனடியாக உடல்நலக்குறைவு ஏற்படும். எலிகள் அதிகமாக காணப்படும் இடங்களில் பிரிஞ்சி இலைகளை வையுங்கள்.

எலிகள் பதுங்கியிருக்கும் பொந்துகளிலும், அவை செல்லும் வழிகளிலும் மிளகுத் தூளைத் தூவி விடுங்கள். இதன் வாசனை எலிகளை அண்டவிடாது.