life-style
பட்டுப் புடவைகளை பலரும் பல ஆண்டுகளுக்கு துவைக்காமல் அப்படியே வைத்து கட்டுவார்கள். சிலர் டிரை கிளீனிங் செய்ய கொடுப்பார்கள். வீட்டில் எப்படி துவைப்பது என்று பார்க்கலாம்.
இன்றும் பெரும்பாலான பெண்கள் அலுவலகத்திற்கு, பண்டிகை நாட்களில் பட்டுப் புடவைகளை அணிய விரும்புகிறார்கள். பட்டுப் புடவைகள் அணியும் போது மிடுக்கான தோற்றத்தை கொடுக்கும்.
பட்டுப் புடவைகளை நன்றாக பராமரித்து வந்தால் அதன் பளபளப்பு 100 ஆண்டுகள் வரை நீடிக்கும். பட்டுப் புடவைகளை வீட்டிலேயே எப்படி துவைக்கலாம் என்று பார்க்கலாம்.
பட்டுப் புடவைகளை 4 அல்லது 5 முறை அணிந்த பின்னரே துவைக்க வேண்டும். புடவைகளை துவைக்கும் முன் சோப்பு நீரில் போடலாமா என்பதை லேபிளில் இருந்து அறிய வேண்டும்.
பட்டுப் புடவைகளை துவைக்க குளிர்ந்த நீரைப் பயன்படுத்த வேண்டும். புடவைகளை துவைப்பதற்கு முன் சிறிது நேரம் குளிர்ந்த நீரில் ஊற வைக்க வேண்டும். சூடான நீர் வேண்டாம்.
தண்ணீரில் இரண்டு தேக்கரண்டி வெள்ளை வினிகரை சேர்க்கவும். புடவையை அதில் பத்து நிமிடங்கள் நனைத்து வைக்கவும். சுத்தமான நீரில் துவைக்கும் போது புடவையில் உள்ள கறைகள் நீங்கும்.
துவைத்த பின் அதை முறுக்கிப் பிழியக் கூடாது. சிறிது நேரம் உலர விடவும். சிறிது நேரம் கழித்து புடவையை நிழலில் உலர்த்த வேண்டும். இதனால் புடவையின் நிறம் மங்காது.
பட்டுப் புடவைகளை மற்ற புடவைகளுடன் வைக்காமல் தனித்தனியாக பருத்தித் துணியால் மூடி வைக்க வேண்டும். இதனால் பட்டுப் புடவைகள் எப்போதும் பாதுகாப்பாக இருக்கும்.