பல பிரச்சனைகளுக்கு தீர்வு

முக அழகை பராமரிக்க, பல நூற்றாண்டுகளாக கற்றாழை பயன்படுகிறது. தினமும் முகத்தில் கற்றாழை ஜெல் தடவினால், சருமத்தில் வரும் பல பிரச்சனைகள் சரியாகும்.

கற்றாழை ஜெல், சருமத்தின் ஆழம் வரை சென்று ஈரப்பதத்தை அளிக்கிறது. இது சருமத்தில் எளிதாக உறிஞ்சப்பட்டு, பிசுபிசுப்பு இல்லாமல் நீண்ட நேரம் சருமத்தை ஹைட்ரேட்டாக வைத்திருக்க உதவுகிறது.

அடிக்கடி முகப்பரு வந்தால், கற்றாழை ஜெல் ஒரு சிறந்த மருந்து. இதில் உள்ள குணங்கள், பருக்களை உண்டாக்கும் பாக்டீரியாவை அழித்து, சருமத்தை சுத்தமாக்குகின்றன.

வெயிலில் அலைந்து சருமம் கறுத்துவிட்டாலோ அல்லது முகத்தில் எரிச்சல் இருந்தாலோ, கற்றாழை தடவுவது நல்லது. இது பாதிக்கப்பட்ட சருமத்திற்கு உதவுகிறது.

சருமம் அதிகமாக வறண்டு இருந்தால், கற்றாழை ஜெல்லுடன் சிறிது தேங்காய் எண்ணெய் கலந்து முகத்தில் மசாஜ் செய்யுங்கள். இதனால், வறண்ட சருமப் பிரச்சனை நீங்கி, முகம் பளபளக்கத் தொடங்கும்.