life-style
வீட்டில் சிறிய துளைகள் கூட இல்லாமல் பார்த்துக் கொள்ளுங்கள். ஏனெனில் எலிகள் துளைகளில் தான் வசிக்கும். எனவே, எங்காவது துளைகள் இருந்தால், அவற்றை மூடுவது சிறந்தது.
வீட்டில் எலிகளை விரட்ட எலிப்பொறிகளைப் பயன்படுத்துங்கள். பொறியில் சீஸ், வேர்க்கடலை வெண்ணெய் அல்லது சாக்லேட் போன்றவற்றை வைத்தால் எளிதில் பிடிபடும்.
எலுமிச்சை சாற்றில் மிளகுத்தூள் கலந்து எலிகள் வசிக்கும் இடங்களில் தெளிக்கவும். இதன் வாசனையைத் தாங்க முடியாமல் எலிகள் ஓடிவிடும்.
புதினா எண்ணெயைக் கொண்டு எலிகளை விரட்டலாம். இந்த எண்ணெயின் வாசனை எலிகளுக்குப் பிடிக்காது. பஞ்சில் புதினா எண்ணெயைத் தடவி வீட்டின் மூலைகளிலும், எலிகள் வரும் இடங்களிலும் வைக்கவும்.
அல்ட்ராசோனிக் கருவிகள் எலிகளுக்குத் தொந்தரவூட்டும் ஒலி அலைகளை உருவாக்கும். இதற்கு நீங்கள் வீட்டில் இந்தக் கருவியைப் பொருத்தினால் போதும்.
கரப்பான் பூச்சிகளோ, ஈக்களோ, எலிகளோ வீடு அழுக்காகவும், குப்பையாகவும் இருந்தால்தான் வரும். எனவே, சமையலறை, உணவு சேமிக்கும் அறை, ஆகியவற்றை சுத்தமாகவும், உலர்வாகவும் வைத்திருக்கவும்.
மாவில் போரிக் அமிலத்தைச் சேர்த்து எலிகள் நடமாடும் இடங்களில் வைக்கவும். இதனால் அந்தப் பக்கம் எலிகள் வரத் துணியாது.