முந்தானை

சேலை கட்டும்போது ப்ளீட்ஸ் எனும் முந்தானை மடிப்புகளை முன்கூட்டியே எடுத்து வைக்க வேண்டும். சேலைக்கு ஏற்ற உள்பாவாடையை தேர்வு செய்யுங்கள். 

சேலையின் முந்தி, உள்பக்கம் வேறுபாடு தெரிய உள்பக்க நுனியில் முடிச்சிடுங்கள். இடுப்புக்கு ப்ளீட்ஸை இடப் பக்கத்தில் இருந்து விட தொடங்க வேண்டும்.

இடுப்பு ப்ளீட்ஸை ஒன்றுக்கு பின் ஒன்றாக வைக்கவேண்டும். இதை வயிற்று பகுதியில் சொருகும்போது உப்பலாக இல்லாமல் உள்பக்கம் நீவி விடுங்கள்.

இடுப்பு ப்ளீட்ஸை சரியாக சொருகாவிட்டால் சேலை 'பாவாடை' போல இருக்கும். கொஞ்சம் கவனமாக செய்யுங்கள். 

மார்பு ப்ளீட்ஸை வெளிப்பக்கமாக (இடப் பக்கம்) எடுக்க வேண்டும். சரியாக வராவிட்டால் உள்ளே உள்ள ப்ளீட்ஸின் அளவை சரிசெய்யுங்கள். 

ப்ளீட்ஸ் கழுத்து அருகே நெருடாமல், ஒன்றையொன்று தொடாமல் இருக்க 2, 3-வது பிலீட்ஸை பிளவுஸோடு உள்பக்கமாக பின் செய்யுங்கள். இதனால், அடிக்கடி ப்ளீட்ஸை அட்ஜஸ்ட் செய்யத் தேவைப்படாது. 

ப்ளீட்ஸை ஒன்றுக்கு பின் ஒன்றாக மடித்து, தோள்பட்டைக்கு கொஞ்சம் கீழே பின்செய்ய வேண்டும். கழுத்து அருகே நெருடலாக இருந்தால் இறக்கி விடுங்கள். 

உங்களுக்கு சிங்கிள் ப்ளீட் விட ஆசை இருந்தால் முதல் ப்ளீட்டை மட்டும் பின் செய்யுங்கள். மீதம் உள்ள முந்தியை ஒன்றாகச் சேர்த்து, உள்பக்கமாக பின் செய்யுங்கள்.