ஆபரேஷன் சிந்தூரில் முக்கிய பங்காற்றிய வீரமங்கை! சோஃபியா குரேஷி

பாகிஸ்தான் பயங்கரவாதிகளை அழித்து நமது வீரர்கள் மீண்டும் நாட்டிற்குப் பெருமை சேர்த்துள்ளனர். இந்த ஆபரேஷன் சிந்துரில் ராணுவத்தின் முஸ்லிம் பெண் அதிகாரி சோஃபியா குரேஷி ஈடுபட்டார்.

கர்னல் சோஃபியா குரேஷி இந்திய ராணுவத்தில் லெப்டினன்ட் கர்னலாக உள்ளார். தற்போது சிக்னல் படையில் பணியாற்றுகிறார். குஜராத் மாநிலம் வதோதராவைச் சேர்ந்தவர்.

சோஃபியா குரேஷி ராணுவப் பயிற்சி 'எக்சர்சைஸ் ஃபோர்ஸ் 18' திட்டத்தை வழிநடத்தும் முதல் பெண் அதிகாரி. உயிர் வேதியியலில் முதுகலைப் பட்டம் பெற்றுள்ளார்.

கர்னல் சோஃபியா குரேஷி செய்தியாளர் சந்திப்பில் வான்வழித் தாக்குதல் குறித்த தகவல்களைத் தெரிவித்தார். ஆபரேஷன் சிந்தூர் பற்றிய விவரங்களை விளக்கினார்.

கர்னல் சோஃபியா குரேஷி செய்தியாளர் சந்திப்பில், "நிரபராதிகளுக்கு நீதி வழங்க ஆபரேஷன் சிந்தூர் தொடங்கப்பட்டது" என்றார்.

சோஃபியா குரேஷி 17 வயதில் 1999 இல் ராணுவத்தில் சேர்ந்தார். சோஃபியாவின் தாத்தாவும் ராணுவத்தில் இருந்தார். சோஃபியாவின் கணவரும் ராணுவ அதிகாரி.