சர்க்கரையை தவிர்க்கலாம்

சாஃப்ட் டிரிங்க்ஸ், கோலா மாதிரியான இனிப்பு அதிகமுள்ள பானங்களை குடிப்பதை முழுவதுமாக நிறுத்த வேண்டும்.

கடைகளில் உணவுப் பொருட்களை வாங்கும் போது, அதன் லேபிளைப் படித்துப் பாருங்கள். அதில் என்னென்ன பொருட்கள் சேர்க்கப்பட்டிருக்குனு தெரிஞ்சுக்கோங்க.

இனிப்புப் பண்டங்கள் சாப்பிடுவதை முழுவதுமாக தவிர்க்க வேண்டும். அதற்குப் பதிலாக பழங்களைச் சாப்பிடலாம். இது அதிகப்படியான சர்க்கரை உடலுக்குள் செல்வதைத் தடுக்கும்.

டீ, காபி குடிக்கும்போது சர்க்கரைக்கு பதிலாக ஜாதிக்காய் (nutmeg), ஹேசல்நட், இலவங்கப்பட்டை போன்றவற்றைச் சேர்த்துக்கொள்ளலாம்.

பிஸ்கட், சிப்ஸ் போன்ற ஸ்நாக்ஸ் வகைகளைத் தவிர்ப்பது நல்லது. அதற்குப் பதிலாக நட்ஸ், விதைகள் போன்றவற்றை உங்கள் டயட்டில் சேர்த்துக்கொள்ளலாம்.

எப்போதும் சரியான நேரத்திற்குச் சாப்பிட வேண்டும். இது, திடீரென இனிப்பு சாப்பிட வேண்டும் என்ற ஆசையையும், அதிகப் பசியையும் கட்டுப்படுத்தும்.

யாராவது உங்களுக்கு இனிப்புகளைக் கொடுத்தால், 'வேண்டாம்' என்று சொல்லத் தயங்காதீர்கள். இந்த பழக்கம், நீங்கள் அதிகமாக சர்க்கரை சாப்பிடுவதைத் தடுக்க உதவும்.