Health: இரத்தச் சர்க்கரை அளவை இயற்கையாகக் கட்டுப்படுத்த உதவும் உணவுகள்

கொண்டைக்கடலையில் புரதம் மற்றும் நார்ச்சத்து அதிகம். இது ரத்த சர்க்கரை அளவை சீராக வைக்கவும், குடல் ஆரோக்கியத்திற்கு உதவும் நல்ல பாக்டீரியாக்களை வளர்க்கவும் உதவுகிறது.

சியா விதைகளில் நார்ச்சத்து அதிகம். இவை தண்ணீரை உறிஞ்சி ஜெல்லாவதால் செரிமானம் சீராகும். இதனால் சாப்பிட்ட பின் ரத்தச் சர்க்கரை சட்டென்று உயர்வது தடுக்கப்படும்.

ராஸ்பெர்ரி பழங்கள் நீரிழிவு நோயாளிகளுக்குச் சிறந்த தேர்வு. இதிலுள்ள நார்ச்சத்து மற்றும் ஆன்டி-ஆக்ஸிடன்ட்கள் உடல் அழற்சியைக் குறைத்து, குடல் ஆரோக்கியத்தையும் மேம்படுத்துகின்றன. 

கருப்பு உளுந்து குறைந்த கிளைசெமிக் கொண்டது. இதிலுள்ள நார்ச்சத்து மலச்சிக்கலை நீக்கி, செரிமானத்தைச் சீராக்குவதுடன் இரத்தச் சர்க்கரை அளவையும் சிறப்பாகக் கட்டுப்படுத்துகிறது.

சர்க்கரை அளவைக் குறைக்க கொய்யா சிறந்த பழம். இதில் நார்ச்சத்துக்கள் அதிகம். குறிப்பாக, இதன் தோல் இன்சுலின் சுரப்பைச் சீராக்கி இரத்தச் சர்க்கரையை மிகச்சரியாகக் கட்டுப்படுத்துகிறது.

பசலை, முருங்கைக்கீரையில் மெக்னீசியம் மற்றும் வைட்டமின்கள் அதிகம். இவை இரத்த நாளங்களைப் பாதுகாத்து, உடலின் வளர்சிதை மாற்றத்தைச் சீராக்கி சர்க்கரை அளவைக் குறைக்க உதவுகின்றன.

வெள்ளை அரிசிக்குப் பதில் கம்பு, கேழ்வரகு, ஓட்ஸ் போன்றவற்றைச் சேர்க்கலாம். இவை பசியைக் கட்டுப்படுத்தி, நாள் முழுவதும் ஆற்றல் அளிப்பதோடு சர்க்கரை அளவையும் சீராக வைக்க உதவுகின்றன.