ப்ரீ-டயாபடீஸ் இருந்தால் இந்த உணவுகளை தொடாதீங்க!

சிப்ஸ், ஃபிரைஸ், சமோசா, பர்கர் போன்ற வறுத்த, பொரித்த உணவுகள் ரத்த சர்க்கரை அளவை சட்டென அதிகரிக்கச் செய்யும். ப்ரீ-டயாபடீஸ் உள்ளவர்கள் இவற்றைத் தவிர்ப்பது நல்லது.

இனிப்புச் சுவையூட்டப்பட்ட பானங்கள் ரத்த சர்க்கரை அளவை வேகமாக உயர்த்தும். இவற்றில் செயற்கைச் சர்க்கரை அதிக அளவில் சேர்க்கப்பட்டிருக்கும் என்பதால் கவனம் தேவை.

பழங்கள் உடலுக்கு நல்லதுதான். ஆனால், மாம்பழம், சப்போட்டா போன்ற அதிக இனிப்புள்ள பழங்களை அடிக்கடி சாப்பிடுவது ரத்த சர்க்கரை அளவை அதிகரிக்க வழிவகுக்கும். அளவோடு சாப்பிடலாம்.

வெள்ளை பிரெட், வெள்ளை அரிசி, மைதா போன்ற சுத்திகரிக்கப்பட்ட கார்போ உணவுகளில் நார்ச்சத்து மிகவும் குறைவு. இவை எளிதில் ஜீரணமாகி, ரத்த சர்க்கரை அளவை வேகமாக அதிகரிக்க வாய்ப்புள்ளது.

ப்ரீ-டயாபடீஸ் பாதிப்பு உள்ளவர்கள் மது அருந்துவது உடல் நலத்திற்கு நல்லதல்ல. இது ரத்த சர்க்கரை அளவை திடீரென அதிகரிக்கச் செய்யும்.

பேக்கேஜ் செய்யப்பட்ட உணவுகளில் ஆரோக்கியமற்ற கொழுப்புகள் மற்றும் செயற்கை இனிப்புகள் சேர்க்கப்பட்டிருக்கலாம். இவற்றைச் சாப்பிடுவது ரத்த சர்க்கரை அளவை அதிகரிக்கச் செய்யும்.