பச்சை மிளகாய் நீண்ட நாட்கள் பிரெஷ்ஷாக இருக்க சூப்பர் டிப்ஸ்

பச்சை மிளகாய் சீக்கிரம் அழுகிப் போகாமல், நீண்ட நாட்கள் பிரெஷ்ஷாக எப்படி சேமித்து வைப்பது என இங்கே பார்க்கலாம்.

பச்சை மிளகாயை வாங்கிய உடனே தண்ணீரில் நன்றாகக் கழுவுங்கள். பின்னர் சுத்தமான துணியில் பரப்பி உலர்த்தவும். ஈரப்பதம் இருந்தால் மிளகாய் சீக்கிரம் கெட்டுப்போகும்.

பச்சை மிளகாயின் காம்புகளை நீக்கிவிட்டு சேமித்து வைப்பது, அவை நீண்ட நாட்கள் கெட்டுப்போகாமல் இருக்க பெரிதும் உதவும்.

பச்சை மிளகாயை காற்று புகாத டப்பாவில் வைப்பதற்கு முன்பு, அந்த டப்பாவின் அடியில் ஒரு டிஷ்யூ பேப்பரை வையுங்கள்.

பச்சை மிளகாயை பிளாஸ்டிக் டப்பாவில் வைப்பதற்குப் பதிலாக, கண்ணாடி பாத்திரத்தில் சேமித்து வையுங்கள். இது மிளகாயை நீண்ட நாட்கள் பிரெஷ்ஷாக வைத்திருக்க உதவும்.

பச்சை மிளகாய் வைத்திருக்கும் பாத்திரத்தை பிரிட்ஜின் அடியில் உள்ள காய்கறி டிராயரில் வையுங்கள். அங்கு வெப்பநிலை சீராகவும் குளிர்ச்சியாகவும் இருக்கும்.

சிலர் பச்சை மிளகாயை கடுகு எண்ணெயில் முக்கி சேமித்து வைப்பார்கள். இப்படி செய்தால் மிளகாய் கெட்டுப்போகாது. இது ஒரு வித்தியாசமான சுவையையும் கொடுக்கும்.