ஆண்கள் அவசியம் செய்துகொள்ள வேண்டிய 7 முக்கியமான ஆரோக்கிய பரிசோதனைகள்

அமைதியான கொலையாளி எனப்படும் உயர் இரத்த அழுத்தம், இதயம் மற்றும் சிறுநீரகத்தைப் பாதிக்கும். எனவே, 18 வயதிற்கு மேற்பட்ட ஆண்கள் அடிக்கடி இரத்த அழுத்தப் பரிசோதனை செய்துகொள்வது அவசியம்.

இன்றைய உணவுப் பழக்கத்தால் சர்க்கரை நோய் அதிகரிக்கிறது. HbA1c பரிசோதனை மூலம் ரத்த சர்க்கரை அளவைக் கண்டறிந்து, பாதிப்புகளை முன்கூட்டியே தடுத்து நலம் பெறலாம்.

இரத்தத்தில் உள்ள கெட்ட கொழுப்பின் அளவு அதிகரிப்பது மாரடைப்பிற்கு முக்கிய காரணமாகிறது. 30 வயதுக்கு மேற்பட்ட ஆண்கள் லிபிட் ப்ரொபைல் (Lipid Profile) பரிசோதனையைச் செய்துகொள்வது நல்லது.

ஆண்களுக்குப் பொதுவாக வரும் புரோஸ்டேட் புற்றுநோயைக் கண்டறிய, 50 வயது கடந்தவர்கள் அல்லது குடும்பப் பின்னணி உள்ளவர்கள் மருத்துவ ஆலோசனையுடன் PSA பரிசோதனை செய்துகொள்வது அவசியமாகும்.

ஈசிஜி (ECG) அல்லது டிஎம்டி (TMT) போன்ற சோதனைகள் இதயத்தின் செயல்பாட்டை அறிய உதவும். மூச்சுத்திணறல் அல்லது நெஞ்சு வலி போன்ற அறிகுறிகள் இருந்தால் உடனடியாக மருத்துவரை அணுகுவது அவசியம்.

மது அருந்துதல், முறையற்ற உணவுப் பழக்கம் போன்றவற்றால் கல்லீரல் மற்றும் சிறுநீரகம் பாதிக்கப்படலாம். இவற்றைச் சீராகப் பராமரிக்க முறையான ரத்த மற்றும் சிறுநீர் பரிசோதனைகள் அவசியம்.

வைட்டமின் டி (Vitamin D) மற்றும் பி12 குறைபாடு ஆண்களிடையே சோர்வு மற்றும் எலும்பு பலவீனத்தை உண்டாக்கும். இந்தப் பரிசோதனைகள் மூலம் உடலின் ஆற்றலை மேம்படுத்தலாம்.