அளவுக்கு மிஞ்சினால் ஆபத்து: சிறுநீரகத்தைப் பாதிக்கும் 6 உணவுகள்!

பேகன், சாசேஜ் போன்ற பதப்படுத்தப்பட்ட இறைச்சிகளில் உள்ள அதிக உப்பு மற்றும் ரசாயனங்கள் சிறுநீரகத்தை விரைவாகப் பாதிக்கும் எனவே இவற்றைத் தொடர்ந்து சாப்பிடுவது சிறுநீரகத்திற்கு நல்லதல்ல

பசலைக்கீரை, பீட்ரூட், சாக்லேட் நல்லதுதான்; ஆனால், இவற்றை அளவுக்கு மேல் தொடர்ந்து சாப்பிட்டால், இதில் உள்ள ஆக்சலேட் படிகங்களால் சிறுநீரகக் கற்கள் உருவாகும் அபாயம் உண்டு.

சாஸ் வகைகள் மற்றும் ஊறுகாய் உப்பின் அளவு மிக அதிகமாக இருக்கும். உப்பை அதிகமாகச் சேர்க்கும்போது இரத்த அழுத்தம் அதிகரித்து, அது நேரடியாக சிறுநீரக வடிகட்டிகளைச் சேதப்படுத்துகிறது.

சிப்ஸ், குக்கீஸ், பாக்கெட் உணவுகளில் சுவைக்காகவும் கெடாமல் இருக்கவும் சோடியம், பாஸ்பரஸ் சேர்க்கப்படுகின்றன. இவை சிறுநீரகத்திற்குப் பெரும் அழுத்தத்தை ஏற்படுத்தும்.

பாட்டில்களில் அடைக்கப்பட்ட சோடா மற்றும் செயற்கை இனிப்புப் பானங்களை அதிகமாகக் குடிப்பதால், சிறுநீரக நோய்கள் மற்றும் சிறுநீரகக் கற்கள் உருவாகும் அபாயம் 33% வரை அதிகரிக்கிறது.

புரதம் உடலுக்குத் தேவை என்றாலும், தகுந்த ஆலோசனையின்றி முட்டை, இறைச்சி அல்லது புரோட்டீன் பவுடர்களை அதிகமாக எடுக்கும்போது, சிறுநீரகம் கடுமையாகப் பாதிக்கப்பட்டு விரைவில் பலவீனமடையும்.