கண் பார்வை திறனை அதிகரிக்க உதவும் 7 உணவுகள்

கண் பார்வைத் திறனை அதிகரிக்க உங்கள் டயட்டில் கட்டாயம் சேர்த்துக்கொள்ள வேண்டிய 7 முக்கிய உணவுகள் உள்ளன. அவை என்னென்ன என்று பார்க்கலாம்.

கீரைகள் கண் ஆரோக்கியத்திற்கு பெரிதும் உதவுகின்றன.  வயதாவதால் ஏற்படும் மாகுலர் சிதைவு  மற்றும் கண்புரை போன்ற பிரச்சனைகளைத் தடுக்க இவை அவசியம்.

சால்மன், கானாங்கெளுத்தி, மற்றும் சூரை போன்ற மீன்களில் ஒமேகா-3 கொழுப்பு அமிலங்கள் உள்ளன. இது விழித்திரையின் கட்டமைப்பை ஆதரிப்பதோடு, கண்கள் வறண்டு போவதிலிருந்தும் காக்கிறது.

ஆரஞ்சு, எலுமிச்சை, திராட்சை போன்றவற்றில் வைட்டமின் சி நிறைந்துள்ளது. இது கண்களில் உள்ள ரத்த நாளங்களை ஆரோக்கியமாக வைத்திருக்க உதவுகிறது.

கேரட், சர்க்கரைவள்ளிக்கிழங்கு, பூசணி போன்றவற்றில் பீட்டா கரோட்டின் (வைட்டமின் ஏ) அதிகமாக உள்ளது. இது விழித்திரையின் (ரெட்டினா) ஆரோக்கியத்திற்கு மிகவும் உதவுகிறது.

பாதாம் மற்றும் வால்நட் போன்றவற்றில் வைட்டமின் ஈ உள்ளது. இது ஒரு சக்திவாய்ந்த ஆன்டிஆக்ஸிடன்ட் ஆகும். இது வயதாவதால் கண் செல்களில் ஏற்படும் சிதைவை மெதுவாக்க உதவுகிறது.

முட்டையின் மஞ்சள் கருவில் ஜிங்க் சத்துடன், அதிக அளவில் லுடீன் (lutein) மற்றும் ஜியாக்சாந்தின்  உள்ளன. இவை விழித்திரையின் ஒட்டுமொத்த ஆரோக்கியத்திற்கும் உதவுகின்றன.