மீந்து போன இட்லியை வெச்சு ஸ்பைஸி மசாலா ஸ்நாக்ஸ்!

காலையில் செய்த இட்லி மீந்துவிட்டால், அதை வைத்து மாலையில் ஒரு சூப்பரான, காரசாரமான ஸ்நாக்ஸ் செய்யலாம்.

சாதாரணமாக இருக்கும் பழைய இட்லியில், கொஞ்சம் மசாலாப் பொருட்களைச் சேர்த்து, ஒரு அட்டகாசமான மாலை நேர சிற்றுண்டியாக மாற்றலாம்.

தேவையானவை: இட்லி 4, மிளகாய்த்தூள், கரம் மசாலா, சீரகம்-கடுகு தலா அரை டீஸ்பூன், மஞ்சள் தூள், கறிவேப்பிலை, பூண்டு 5, எண்ணெய், உப்பு தேவைக்கேற்ப.

முதலில், மீதமுள்ள இட்லிகளை சின்ன சின்ன துண்டுகளாக வெட்டிக் கொள்ளுங்கள். ஒரு இட்லியை 4 முதல் 6 துண்டுகளாக வெட்டலாம்.

அடுப்பில் ஒரு பாத்திரத்தை வைத்து எண்ணெய் ஊற்றி, அது சூடானதும் கடுகு, சீரகம், கறிவேப்பிலை மற்றும் தட்டிய பூண்டு சேர்த்துத் தாளிக்கவும்.

பிறகு, அடுப்பை அணைத்துவிட்டு மிளகாய்த் தூள், ஒரு சிட்டிகை மஞ்சள் தூள் மற்றும் தேவையான அளவு உப்பு சேர்க்கவும். கடைசியாக, வெட்டி வைத்திருக்கும் இட்லித் துண்டுகளை இதில் சேர்க்கவும்.

இப்போது மீண்டும் அடுப்பை ஆன் செய்து, இட்லியை நன்றாக சூடுபடுத்தவும். குழந்தைகள் விரும்பினால், கடைசியாக மேகி மசாலா அல்லது எலுமிச்சைச் சாறு சேர்க்கலாம். இது கூடுதல் சுவை தரும்.