இளமை மாறாத சருமத்திற்கு... இந்த 6 உணவுகள் போதும்!

நம்ம உடம்புல இயற்கையாகவே கொலாஜன் உற்பத்தியை அதிகரிக்க, டயட்டில் சேர்த்துக்கொள்ள வேண்டிய சில உணவுகள் பற்றி பார்க்கலாம்.

பாதாம், பூசணி விதை, எள் போன்றவற்றில் துத்தநாகம் மற்றும் செம்பு ஆகிய தாதுக்கள் அதிகளவில் உள்ளன. கொலாஜன் உற்பத்திக்குத் தேவையான என்சைம்களின் செயல்பாட்டைத் துத்தநாகம் ஆதரிக்கிறது

கொழுப்பு நிறைந்த பாலில் இருந்து தயாரிக்கப்படும் தயிர், பனீர் போன்ற பால் பொருட்கள் உடலுக்குத் தேவையான புரதத்தை வழங்குகின்றன. இது கொலாஜன் உற்பத்தியை அதிகரிக்க உதவும்.

நெல்லிக்காயில் வைட்டமின் சி உள்ளது. இதை தினமும் சாப்பிடுவது கொலாஜன் உற்பத்தியை அதிகரிக்க உதவும்.

கொய்யாப்பழத்தில் அதிக அளவில் உள்ள வைட்டமின் சி, சரும செல்களைப் புதுப்பிக்கவும், கொலாஜன் உற்பத்தியை அதிகரிக்கவும் உதவும்.

பாசிப்பருப்பு, மசூர் பருப்பு, துவரம் பருப்பு போன்ற பருப்பு வகைகளில் கொலாஜன் உருவாவதற்குத் தேவையான அமினோ அமிலங்கள் உள்ளன.

ஆரஞ்சு, எலுமிச்சை, சாத்துக்குடி போன்ற சிட்ரஸ் பழங்களில் உள்ள வைட்டமின் சி, கொலாஜன் உற்பத்தியை மேம்படுத்துகிறது.