புதினாவின் 8 முக்கிய நன்மைகள்

புதினாவை நாம கொஞ்சமா பயன்படுத்தினாலும், உடம்புக்குத் தேவையான சத்துக்களை அது கொடுக்கும். இதில் கலோரிகள் குறைவு, நார்ச்சத்து அதிகம்.

கண் ஆரோக்கியத்துக்கு ரொம்ப முக்கியமான வைட்டமின் ஏ, இரும்புச்சத்து, மாங்கனீஸ், ஃபோலேட் போன்றவை புதினாவில் நிறைய இருக்கு. ஆன்டிஆக்ஸிடன்ட்களும் இதில் அதிகம்.

வயிற்று வலி, வயிறு உப்பசம் போன்ற அறிகுறிகளைக் கொண்ட 'இரிட்டபிள் பவல் சிண்ட்ரோம்' (IBS) பாதிப்பைக் குறைக்க புதினாவில் உள்ள 'மென்தால்' உதவுகிறது.

சாப்பிட்ட உணவு சரியாக செரிக்காமல் வயிற்றில் தங்குவதால்தான் அஜீரணம், நெஞ்செரிச்சல் ஏற்படுகிறது. சாப்பாட்டுடன் புதினா எண்ணெயைச் சேர்த்துக்கொண்டால், உணவு வேகமாக செரிமானம் ஆகும்.

புதினா எண்ணெயின் வாசனையை சுவாசிப்பது மூளையின் செயல்பாட்டைத் தூண்டும். குறிப்பாக, வண்டி ஓட்டும்போது இதன் வாசனையை நுகர்ந்தால், சோர்வு, பதற்றம், மன உளைச்சல் போன்றவை குறையும்.

பாலூட்டும் தாய்மார்களுக்கு நெஞ்சு பகுதியில் ஏற்படும் வலி மற்றும் வெடிப்புகளைக் குறைக்க, புதினா கலந்த எண்ணெய் அல்லது ஜெல்லைப் பயன்படுத்துவது நல்ல பலனைத் தரும். 

சளி, ஜலதோஷத்துக்கான மருந்துகளிலும், விக்ஸ் போன்ற தைலங்களிலும் 'மென்தால்' ஒரு முக்கிய மூலப்பொருள். இது நேரடியாக மூக்கடைப்பை நீக்காது. ஆனால், சுவாசிப்பதை எளிதாக்க உதவும்.