பளபளப்பான முடி வேண்டுமா?

தேங்காய்ப் பாலை இப்படி பயன்படுத்துங்க போதும்!

முடி அடர்த்தியாக வளர உதவும் பல ஊட்டச்சத்துக்கள் தேங்காய்ப் பாலில் நிறைந்துள்ளன.

¼ கப் தேங்காய்ப் பாலை லேசாக சூடாக்குங்கள். மிதமான சூட்டில் உள்ள பாலை தலையின் வேர்க்கால்களில் படும்படி தடவி 10 நிமிடங்கள் மசாஜ் செய்யுங்கள். இது ஒரு சிறந்த கண்டிஷனராக செயல்படும்.

20 நிமிடங்கள் கழித்து, மைல்டான ஷாம்பு கொண்டு முடியை அலசுங்கள். சிறந்த பலன்களைப் பெற, வாரத்திற்கு ஒரு முறை இப்படிச் செய்யலாம்.

ஒரு பாத்திரத்தில் நான்கு டேபிள்ஸ்பூன் தேங்காய்ப் பால் மற்றும் இரண்டு டீஸ்பூன் எலுமிச்சை சாறு எடுத்துக் கொள்ளுங்கள். இரண்டையும் கலந்து, நான்கு மணி நேரம் ஃபிரிட்ஜில் வைக்கவும்.

இந்தக் கலவையை தலையில் தடவி 45 முதல் 50 நிமிடங்கள் வரை அப்படியே விடுங்கள். பிறகு மைல்டான ஷாம்பு பயன்படுத்தி தலையை அலசவும்.

3 டேபிள்ஸ்பூன் தேங்காய்ப் பால், 1 டேபிள்ஸ்பூன் கற்றாழை ஜெல், ஒரு கைப்பிடி துளசி இலைகள் ஆகியவற்றைச் சேர்த்து பேஸ்ட் போல கலக்கவும். இந்த பேக்கை முடி முழுவதும் நன்றாகத் தடவ வேண்டும்.