வீட்டிலேயே அசத்தலான பார்லர் ஸ்டைல் ஃபேஷியல் செய்யலாம்!

மைல்டான ஃபேஸ்வாஷ் கொண்டு முகத்தைக் கழுவவும். 1 ஸ்பூன் கடலை மாவு, ரோஸ் வாட்டர் கலந்து முகத்தில் மசாஜ் செய்ய எண்ணெய் பிசுக்கு, அழுக்கு நீங்கும்.

இறந்த செல்களை நீக்க 1 ஸ்பூன் அரிசி மாவு, 1 ஸ்பூன் பால் கலந்து 2-3 நிமிடம் முகத்தில் மென்மையாகத் தேய்க்கவும். இது இயற்கையான பொலிவைத் தரும்.

5-7 நிமிடங்கள் சூடான நீரின் ஆவியில் முகத்தைக் காட்ட, துளைகள் திறந்து பிளாக்ஹெட்ஸ் அகலும்.

துணியில் ஐஸ் கட்டியைச் சுற்றி முகத்தில் ஒத்தடம் கொடுக்கவும். இது சருமத்தை இறுக்கமாக்கி சோர்வைப் போக்கும்.

1 ஸ்பூன் முல்தானி மெட்டி, சந்தனம், தயிர் கலந்து முகத்தில் தடவி 15 நிமிடம் கழித்து கழுவவும். இது கறைகளைக் குறைத்து சருமத்தை பிரகாசமாக்கும்.

லைட்டான மாய்ஸ்சரைசர் அல்லது கற்றாழை ஜெல்லைத் தடவவும். இது சருமத்தை மென்மையாகவும், ஈரப்பதத்துடனும் வைத்திருக்க உதவும்.