முடி வலுவாக வளர சாப்பிட வேண்டிய 8 உணவுகள்

முடி உதிர்வை தடுத்து, அடர்த்தியாகவும் வலுவாகவும் வளர உதவும் 8 சூப்பர் உணவுகள் பற்றி இங்கே பார்க்கலாம்.

முட்டையில் புரோட்டீன், பயோட்டின், செலினியம், வைட்டமின் டி போன்ற சத்துக்கள் நிறைந்துள்ளன. காலை உணவோடு இரண்டு அவித்த முட்டைகளைச் சாப்பிடுவது முடியின் ஆரோக்கியத்திற்கு மிகவும் நல்லது.

கருவேப்பிலையில் இரும்புச்சத்து, ஆன்டிஆக்ஸிடன்ட்கள், பீட்டா-கரோட்டின் உள்ளிட்ட பல்வேறு ஊட்டச்சத்துகள் உள்ளன. இவை முடி வேர்களுக்கு ஆக்சிஜன் சென்றடைவதற்கும் மறைமுகமாக உதவுகிறது. 

கீரைகளில் உள்ள வைட்டமின் C,  முடிகளில் வேர்களைச் சுற்றி கொலாஜன் உருவாக்கத்தில் முக்கிய பங்கு வகிக்கிறது. கொலாஜன் தோல் மற்றும் அதன் திசுக்களின் கட்டமைப்புக்கு தேவையான புரதமாகும். 

நெல்லிக்காய் வைட்டமின் C நிறைந்த உணவாகும். வைட்டமின் C போதுமான அளவில் கிடைப்பது உடலின் ஊட்டச்சத்து நிலையை ஆதரிப்பதால், தலைமுடியின் இயல்பான வளர்ச்சிக்கும் மறைமுகமாக பயனளிக்கலாம். .

பீனட் பட்டரில் புரதம், வைட்டமின் E  என முக்கிய ஊட்டச்சத்துகள் உள்ளன. இவை தலைமுடியின் முக்கிய கட்டமைப்பு புரதமான கெரட்டின் உருவாக்கத்திற்கு தேவையானது. 

எள்ளில் இரும்புச்சத்து, ஜிங்க், கால்சியம் மற்றும் ஒமேகா-3 கொழுப்பு அமிலங்கள் உள்ளன. இது முடியின் வளர்ச்சியை வேகப்படுத்த உதவுகிறது.

தயிரில் புரோட்டீன், வைட்டமின் பி5 மற்றும் புரோபயாடிக்குகள் உள்ளன. இதில் உள்ள வைட்டமின் பி5, உச்சந்தலையில் ரத்த ஓட்டத்தை மேம்படுத்த உதவுகிறது.

சர்க்கரை வள்ளிக்கிழங்கில் வைட்டமின் ஏ நிறைந்துள்ளது. இது உச்சந்தலைக்குத் தேவையான இயற்கையான எண்ணெயை உற்பத்தி செய்ய உதவுகிறது. இதனால் முடி வறண்டு போவதையும், உடைவதையும் தடுக்கலாம்.