பட்டுப் போன்ற கூந்தல் வளர்ச்சிக்கு தேங்காய்ப் பால்: 5 எளிய வழிகள்!

தேங்காய்ப் பாலை வெதுவெதுப்பாக்கி தலைமுடி, வேர்களில் தடவி 10 நிமிடம் மசாஜ் செய்யவும். 20 நிமிடங்களுக்குப் பின் மைல்ட் ஷாம்பூவால் அலசினால் முடி வறட்சி நீங்கி மென்மையாகும்.

தேங்காய்ப்பால் 4 ஸ்பூன், எலுமிச்சை சாறு 2 ஸ்பூன் கலந்து தலையில் தடவி 45-50 நிமிடம் ஊறவைத்து, ஷாம்புவால் கழுவினால் கூந்தல் அடர்த்தியாகி பொடுகு நீங்கும். 

துளசி, கற்றாழை ஜெல்லுடன் தேங்காய்ப்பால் சேர்த்து அரைத்துத் தலையில் தேய்த்து ஊறவைத்து அலசவும். இது கூந்தல் வேர்களை வலுவாக்கி, முடி உதிர்வதைத் தடுத்து நல்ல பலன் தரும்.

வறண்ட கூந்தல் உள்ளவர்கள் அரை கப் தேங்காய்பாலுடன் 2 ஸ்பூன் தேன் கலந்து தலையில் தடவி, 15 நிமிடம் கழித்து வெதுவெதுப்பான நீரில் கழுவினால், முடிக்கு ஈரப்பதம் கிடைத்து மென்மையாகும்.

5 ஸ்பூன் தேங்காய்ப்பால், 1 ஸ்பூன் தயிர் கலந்து, முடி முழுவதும் தடவி 20 நிமிடம் ஊற வைக்கவும். இதிலுள்ள புரதங்கள் சேதமடைந்த கூந்தலை சரிசெய்து, உடனடியாக பட்டுப்போல் மென்மையாக்கும்.